يالله يا زوز موضوعك قلب المواجع
صدقًا ما في احد مرتاح وكل إنسان بالدنيا لا بد من انه يكون فاقد شيء .. لكن يصبر نفسه و ينظر في النعم من حوله و يشكر الله

تفريق الام او الاب بين الأبناء شين فكيف لو كان هالتفريق يتخلله ظلم !!
انا بحياتي وبدنيتي ذي ما طلعت بنعمة بعد نعمة الاسلام الا ابوي لكن في المقابل فاقدة اشياء كثيييير

ابوي : تدمع عيونه اذا بكيت مجرد بكاء "طبعا انا م كنت انتبه لكن خواتي انتبهوا ومن بعدهم صرت الاحظ انه ما يتحمل دموعي" يحبني حب جنوني فعلا احس اني مستحله قلبه و بنفس الوقت امي تموت و لا تشوفني مبسوطة .. انا دايم لما أسولف لاحد عن امي يقول تبالغين
يعلم الله اني ما ابالغ و اكثر ما أعانيه في حياتي هو دايم ان الأبناء و البنات غلطانين وكأن الوالدين ملائكة معصومين عن الخطا


تدرين وش اكثر ما أعانيه منها ؟ هو انها تقلب اخواني عليّ طبعا خواتي معاي بالبيت و المتزوجات بيني وبينهم تواصل وعارفين البئر وغطاه لكن الولد مهما كان يصدق أمه ولا يقبل فكرة انها تكذب وتفتري

دائماً اقول لصديقاتي اللي يشتكون من آباءهم احمدوا ربكم ان مو أمكم لو أمكم كان ما ارتحتوا ولا ساعة وحدة طول الوقت تنكد عليك عكس الاب بطبيعة الرجال مو فاضي لأغلب الأمور و دايم منشغل

أشياء كثير ودي اكتبها افضفض لكن لو كتبتها برجع لنوبة البكاء اللي ما صدقت اني صرت جماد و نسيت البكاء


طبعاً أذاها مو لهنا وبس هي ترد الخطاب بدون علمنا
والله ان قلبي يتقطع لما ادري ان ولد بالمواصفات اللي أتمناها أمه كلمت امي و امي رفضت .. مره جيت وكلمتها وقالت بكييييفي ما لاحد شغل أرد اللي ابي بكيفي

طبعا خواتي قالوا كلمي ابوي ومدري وشو بصراحة ما قدرت لأن اكيد عارفين كيف التفكير اتجاه البنت اللي تجيب طاري الزواج مع انه من اساسيات الحياة

لكن الله يعوضني خير و يكتب لي الزواج الصالح اللي يلقى فيني ما يتمناه والقى فيه ما اتمنى
و اطلع من عندها

و ارجع أقولك يا زوز احمدي ربك عندك زوج و عايشه حالة حب 💕
عندك ام و تحبك و اكيد معطيتك حنان .. اخوانك وخواتك ما تأثروا بحكي ابوك 💕
ابوك رجل صالح ما يظلم ولا يفتري و لا يأذي مسلم 💕
اذا ع مشاعره اتجاهك ف ما ينلام اي إنسان ع مشاعره اهم شيء ما يظلمك و الله ان الظلم شين
خصوصا من الاب و الام لأنك مهما حاولتي تبررين مستحيل احد يستجيب لك


شوفي مصيبة غيرك تهون عليك مصيبتك