أميرة
مُعرفي اتمناه هو يحس به
أتمنى إنه يشوفني زين له...
سويت له اللي يتمناه أي أب من بنته!
من الثانوي كنت رئيسة مجموعة اقرأ على المدرسة كلها رغم إني لازلت بأول ثانوي
وكنت متوجة بلقب أميرة القصة القصيرة..
وقبل الثانوية كنت من المرشحين الدائمين للمعارض الفنية وحزت على ميداليات في الرسم على مستوى الدولة
وبعدها بالجامعة كنت بلوحة الشرف .. وتم تكريمي في محافظتنا من الأوائل
وبعدها كنت محامية ناجحة وكان لي عمود في إحدى الجرايد...
ومع كل انشغالاتي كنت ادرس اخواني بعض المواد اللي يحسونها ثقيلة عليهم
ومن أحد يبي يروح مكان سيارتي دايما جاهزة واوديهم دون كلل أو ملل...
وحاليا زوجي مسافر وانه شايله كل مسؤولياته...
يعني ماني شخص سيئ!
الله كريم
.
ميمو رفيئتي,,
مشاعري اتجاهه متناقضة مرات احس ان ما احبه
ومرات اقعد ابجي ابيه بس يكون لطيف معاي..
ابي احس اني مثل باجي اخواني واخواتي..
الله يحنن قلبه علي ويخليلج الوالد والوالدة حبي
.
صديقتي مبتعثة ..
هو فعلاً طيب طيب طيب جداً
ومعاي تنقلب أحوال احواله
بس ما فيه أسباب تخليه يصد بوجهه!