اخي الكريم لو مسافر يوم وراجع كنا بنقول ما تسمحلها تروح لعند اهلها
اما اسبوع للصراحة هالشي كتير قاسي عالزوجة وخاصة مع اول مولود
ممكن بهالاسبوع امها بتساعدها وبترتاح شوي وبتتعلم اكتر بأمور بتخص الولد
لا سمح الله اخوها بالشغل وطلعت حرارة الطفل او اي شي
هون شو بتعمل زوجتك
وحلو نتعامل بانسانية وبمودة ورحمة قبل ما نتعامل كزوج وزوجة
يعني اخي الكريم شو رح يصير اذا وقت تسافر انت تروح هيي تغير جو عند اهلها
ليش عالرفض مش هيك بتنبنى الحياة الزوجية

بتعرف انا لا سمح الله اسمع حدا من اهلي صرلو شي ما بعود بشوف قدامي وبطير عقلي من راسي
وزوجتك اخوها راح يشوف اخوه اللي عمل حادث فاجباري حتروح معو
وهيي راحت وكنت ببالها لانها خبرتك بنص الطريق
وبعتبرها انسانة واعية لانها رجعت على بيتها
وانا لو مكانها رح ازعل من زوجي اذا اتصرف هيك
صحيح طاعة الزوج بس كمان الاهل صلة الرحم وكل شي بحياة الشخص بالنسبة للرجل او المرأة
لو خرجت زوجتك لمشوار مع الاهل او الاصدقاء
لو بظروف غير كنا لمناها وقلنا اخطأت بس كمان هيدا الخطأ مش سبب للطلاق

بعد بتصير مواقف اكبر من هيك
واذا على كل مشكلة او موقف ما عجبنا اول شي بنلجأ الو الطلاق
هون بنكون بعدنا مش جاهزين لنفتح بيت ونتحمل مسؤولية عيلة


كلنا بشر وبنخطئ بس بنفس الوقت المفروض نعد للألف قبل اي تصرف وخاصة ان كان مصيري مرتبط بحياة اشخاص تانية

اخي الكريم بشوف فيك تسرع وما عندك مرونة مع الشريك

انت رب الاسرة وبنفس الوقت لازم تكون انت المتنفس والامان

اول تلات سنين زواج بيصير مطبات كتير ليفهم كل شخص الطرف التاني
ان كان بطبع او شخصية او معاملة ...الخ

واحتمال كبير شعورك تجاه زوجتك هيي حاسة فيه ولو ما حكيت الها
اسأل الله ان يسخركم لبعض ويبدل حالكم الى افضل حال

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه