السلام عليكم ..

كل مشكله صعبه تواجهني كنتوا العون لي بعد الله و اطبق نصايحكم و نتصالح والخ ولله الحمد .. هالمره مافي مشاكل الحمدلله بس مرات احس برود بعلاقتنا .. كثير خايفه انه يتزوج علي او يشوف غيري .. طبعا ادري الشرع حلل له بس انا طبيعتي غيوره وما اتحمل .. يعني ابي املي عينه و ابي نصايحكم تكفون ابيه يتعلق فيني .. طبعا زوجي مثل اغلب الرجال اللي مايقول كلمة احبك الا نادر وغالبا انا اللي اقولها له ويردها وانا احبك ومرات مايرد .. واذا قلت له انت ماتحبني يقول الحب مو كلام اقدر اغرقك بالكلام انتي فكري وشوفي احبك ولا لا .. لما افكر القاه مو مقصر معي ويهتم و مايرفض لي طلب - مع ان ما اطلب الا شي مهم - انا ابيه يتعلق فيني و ابيه يطلعني مشاوير بدون ما اطلبه وابيه يشتاق لي ومايقدر يبعد عني .. طبعا انا مهتمه فيه وبنفسي وببنتي وبيتي بس توني اول سنه زواج وماعرف اتصرف كل شي جا ورى بعض زواج وحمل ولاده نفاس وهالحين الشهر هذا رجعت لطبيعتي قبل الحمل بس لاحظت انه مايقرب لي كثير مثل اول يعني مثلا قبل كان يحضنني وانام واصحى وانا بحضنه .. الحين ننام كل واحد بطرف واذا حضني يحضن لما يغفى بعدها يقلب ع الجهه الثانيه و كذا .. الجماع قبل كان ب استمرار والحين يمر 4 ايام ومرات اسبوع بدون شي .. ماني عارفه كيف اجدد علاقتنا .. ادري بتفكرون ممكن الولاده خربتني والخ .. بس لا الحمدلله واذا تفكرون ان اهمل نفسي لا اهتم بنظافتي ومظهري لكن المظهر صراحه مو 24 ساعه لان اتعب بالبيت ومع البنت بس النظافه دايم .. يمكن فيه شي انا اجهله او شي قصرت فيه بدون ما انتبه .. يعني

سؤالي للرجال .. كيف تحب تكون زوجتك بكل الامور سواء بالطبع او بالكشخه او ب امور الفراش يعني اللي تستحي ولا الجريئه و اللي تطلب ولا اللي تنتظر يجي منك ..
وسؤالي للبنات .. اذا كنتي متزوجه و زوجك متعلق فيك كيف تتصرفين كيف مليتي عينه وخليتيه يشتاق لك ومايحب يبعد عنك ..

ادري ممكن تشوفون موضوعي تافه بس والله انه مهم عندي واتمنى تساعدوووني