موضوع الزعل بهالطريقة بصراحة منفر...
اسبوع كامل عشان شيء مثل هذا !
إذا اليوم يراضيج .. باچر راح يقول خلها مع نفسها
حلوة الزوجة الهينة اللينة المرنة
لو كنت مكانج ممكن ازعل بو 5 دقايق
بس مو إلا العلاقة الخاصة اروقه بها ..
اغير الجو بالضحك والفرفشة والوناسة

شوفي راح اقول لچ رأيي
أي رجل أو أي امرأة يحب يقعد أو ينجذب
مع الشخص اللطيف
اللي إبتسامته طبع فيه
والكلمة الحلوة قبل كل شيء..
واللي نفسيتها عالية .. ما يشوف فيها حقد أو حب انتقام لأحد
المزوحة اللي جوها وناسة
وتتدلع بدون تصنع .. وانما فطرتها تحركها كأي امرأة
اللي مو كل شيء تزعل عليه
واللي اذا زعلت ما يطول زعلها على اشياء ما تستحق

و حلوة كل هالاشياء تكون طبيعية وتلقائية بدون تصنع

لكن الحب يا صديقتي ينمو بهالأمور
ولكن لا يُخلق ..
اذا الحب موجود هالاشياء تنميه
بس ما فيه حب ينخلق


كوني بخير

__________________

حاجة الناس إليكم من نعم الله عليكم ، فـ لا تملوا النِعم ☁✨