اقتباس:
المشاركة الأصلية كتبت بواسطة روان .
رجال بنصف الخمسينات
صعب يتعود عليك وعالاطفال
بهالعمر الرجل يبحث عن الاستقرار
راح وقت الشباب والاندفاع
اتوقع بقاءه مع زوجته لهالسبب
اتعود على غرفته وسريره ومخدته
والكرسي اللي يجلس عليه
والصالة ومكان التلفزيون
وشكل الصحن وطعم الاكل
ترى الرجال بهالعمر يركد كثير
حتى طلعاته وسفراته تخف
وعزايمه تقل
مو زي فورة الاربعينات
انا هذا تشخيصي لحالة زوجك
ما اعتقد لها علاقه بحب وكره
بس هو مشتري راحته واستقراره
اقترح عليك
وبما انك متعلقة فيه عاطفيا
انقلي جنب بيت زوجته
حتى تكون الرجل خفيفه عليك
حتى لو صار يجيك يتقهوى ويمشي
لاتلحي عليه بالنوم والبقاء
هو بداخله مستعصب هالشي
ان ماناسبك هالحل
انسيه انسيه انسيه
جاء راح بسلامته
واشغلي نفسك
توك صغيرة
ارجعي ادرسي
اعملي لك مشروع
اعتبري نفسك ارمله
وعيشي حياتك بدون انتظار
تكيفي مع واقعك
ويارب ييسر امورك
|
حبيبتي
زوجي من النوع حتى عليها وعلى عيالها ماتعود
دائم سفريات لحاله ومايتعدى الشهر الا وهو برا
غير كذا يتزوج مسياااااار متعود ع المسيار يقول زوجته مو مرتاح معها
يعوض بالمسيار
لما تزوجني ماعاد. اخذ مسيار وصارت المسؤوليات كبيره عليه
وبالخمسين زي ماتقولين ماشاء الله عليه احسن من الشاب
نطلع سوا من الظهر تمشيات مانرجع الا الليل عادي
اصلا هو طبيعته مايحب جلسة البيت
ومايحب يجلس في بلد واحد دائما نفسه ضايقه
وعاد بداخله مستصعب والا عساه
محد قاله يعدد وهو مو قدها
انا برضو ابي اعيش مثلي مثل غيري ومو ناقصني شي
الحمدلله الكل يمدحني وهو بنفسه كمان
لكنه مو حاسس بقيمتي يمكن لاني عطيته وجه بزياده