المشاركة الأصلية كتبت بواسطة حلم تائة

الصراحة المنع ما يفيد ابدا عطيها ونمي فيها حب الله والخوف منه وراقبيها بدون ماتدري و قولي لها باسلوب غير مباشر عن قصص تعرضوا للابتزاز وبالنسبة لليوتب تقدرين تحجبين البرامج الغير مفيدة

المشاركة الأصلية كتبت بواسطة زين ابيها

الأمر صار كثيف بشكل مزعج...
اللي حواليني 99٪‏ يعطون اولادهم ايباد من عمر 3 سنوات
ومن صف الاول الابتدائي كل واحد يمتلك سمارت فون خاص به...
واللي ما عنده يكون شاذ جداً جداً
وتحسينه يكسر الخاطر وسطهم..
وتيلفوناتهم آخر موديل 😕

المشاركة الأصلية كتبت بواسطة mimomea

ربي يحميلك ياها حبيبتي مسك وتشوفيها بأعلى المراكز
انا كنت ضد فكرة يحمل الولد تلفون الا لبعد عمر 14 او اكتر وبمراقبة الاهل من دون ما يعرف الولد كرمال يتجنبوا اي اخطاء غير محتسبة
مع انو الولد ما بيتعلم الا من غلطه بس غلط عن غلط بيفرق
واكبر غلط يعرف الولد انه مراقب
وابني الكبير من سنتين اعطيته اول تلفون عادي قديم وقت كان عمره 10 سنين لإقدر اتواصل معه ويتواصل معي بس يكون مع اصحابه خارج البيت
وشفت كل رفقاته بيملكوا هواتف حديثة
وكان يستعمل بالبيت ايباد وعلى نفس الايميل عندي وكنت اعرف اي شي بيدخل عليه
وهو بيحدثني بكل شي تقريبا وحتى ان دخل عاليوتيوب ونزل شي عن لعبة للبلاي ستايشن بيطلب مني اني اعمله لايك وحتى الفيس بوك فكل شي واضح عندي
وشفت انو يكون غير رفقاته هالشي اكبر غلط و لو كان ضد قناعاتي وخاصة ببلد اوروبي
لانو اللي رح يتعلمه ويشوفه بريت البيت افظع من التلفون
على سبيل المثال كل فترة وفترة بيجيبوا الاولاد قصص من المكتبة ليقروهن
فجاب ابني الوسطاني عمره 9 سنين كتاب عبارة عن رسومات وقصص لاطفال صغار مع مراحل نموهم وحركاتهم لكل عمر
والكتاب بيتضمن رسومات واتفاجئنا انو تحت كل رسمة في رسمة تانية بتشرح من بداية العلاقة بين الرجل والمرأة لحصول الحمل لمراجعة الطبيب وتغييرات الجسم مع اثناء فترة الحمل للولادة والرضاعة ونمو الولد لعمر الحضانة

انا بعرف اشيا كتير عن طرقهن يتثقيف الاولاد وبعمر معين
بس ما كنت متوقعة في كتاب لاطفال بهالوصف والشرح مع الصور الدقيقة بتفاصيل كتير حساسة
مع انو الصور الظاهرة غير الصور المخفية كقصة بقول انو كتاب حلو ومشوق
واتخيلي الوقت والجهد اللي صرت اشرح للاولاد بطريقة يستوعبوها ويقدروا يشوفوا هالصور على انها شي علمي
وسنة الحياة ومش شي ليفسد اخلاقهن
المهم السنة الماضية بس صار عمره 11 جبتله تلفون حديث
وما بياخده معه عالمدرسة الا وقت يروح لعند اصحابه
وانا دايما بفوت شوف على شو بيدخل والرسائل عالواتس وبقراهن من دون ما يعرف لاعرف شو بيتحدثوا عالتلفون
وبخبره اني بدخل لارسل صور من عنده لعندي
وهالمراقبة بتستمر لعمر محدد وبعدين خلص بكون عملت اللي عليي ووجهته ورح يكون مسؤول عن تصرفاته
مع انه دايما بيقلي لو كبرت دايما بحتاج الك
بجاوبه انا حدك ساعة اللي بتحتاجني

فيشوف اذا اغلب اصحابها معهن تلفونات يعني اللي خايفة منو ممكن تشوفه من تلفونات صديقاتها
الافضل تحمليها واحد منهن وكوني صديقتها المقربة لدرجة تنزلي لعمرها وزيلي كل الحواجز
وشوفي كيف رح تكون صريحة معك لابعد الحدود
بالتوفيق