رد: اخو زوجتي بينشب لي في منزل
ياحيف ياريثي ماهو كرم نفس ولا كرم اخلاق ترد اختك او نسيبك او اي قريب من الدرجه الاولى لك او لام عيالك
انا مابعد ربي رزقني بالبيت الملك لكن ولله الحمد مستاجر دور قريب من عملي
ووالله اني مسلم نسخه من مفتاح البيت و المجلس (منفصل بباب مستقل ودورة مياه عن الشقه) لاخوي ونسخه لنسيبي اخو زوجتي يجون ينامون فيه وسط الاسبوع بحكم قربي من جامعتهم ويعدونه بيتهم الثاني مع انهم في نفس المدينه لكن دوام الصباح مشقه ويوثل ساعه ونصف مع الزحمه فيجون من الليل ..
وافخر بهذا الشيء واستانس بجيتهم واحيانا اتقهوى واتعشى واتونس بوجودهم والاغلب اني ما ادري عنهم ولا يدرون عني لاحترام الخصوصيه ..
بل يارجل بيني وبينك ابو نسب نافعني ومكفيني عن بعض المشاوير والاغراض جزاه الله خير
ياغالي الدنيا فانيه .. تجمل مع الناس وخلك طيب الذكر لين المعشر سمح كريم وربي يفتحها بوجهك من حيث لا تحتسب
انت ادرى ببيتك كيف تقسمه لكن اقترح عليك تخصص لضيوفك ملحق صغير او مشب مستقل في الحوش وتراهم موب مطولين معك العمر كله
وخصص لاختك غرفه في الدور الارضي (مثلا مجلس النساء جهزها غرفة نوم بسيطه وشوله الفشخره فيه مجلس رجال وفيه صاله) لزم عليها تجي عندك ويمكن يجي نصيبها بعد شهور
خلك مبرزك يالمبروك الله يوفقك ..