رد: مشكلتنا كل ماتتعب بنتنا
حبيبتي شعورك طبيعي
لانك ام جديدة وهذي وحيدتك
فمتعلقه وقلقانه كثير عليها
وتعلق جدتها فيها برضو طبيعي
جالسه تعبر عن الحب بطبيعتها
بكرا اذا كبرت والا جا اخوها
بتتمني تنزل عن جدتها وتريحك
وتتابع وضعها الصحي من الى
عموما انا من تجارب اطفالي
اللي فيها مو تسنين
لسى بدري عالتسنين
غالبا داخلها برد من الجو
اذا فيها كحه ادهني صدرها زيت سمسم
اهم شي تسخنيه اول
والحرارة يبغى لها فيفادول
واتوقع تطعيمتها قربت
بس لازم تتحسن صحتها اول
ترى كلنا كامهات نبدا بالطب الشعبي
واذا زاد المرض رحنا للطبيب
عادي مافيها شي
لان كثره الادويه تتعب الطفل
خصوصا المضاد الحيوي يضغف المناعه
روحة الطبيب ضروري وقت السخونه
او اذا صار مع الكحه بلغم
لانه ممكن يسبب حساسيه بالصدر
او كتمه وتحتاج جلسات بخار
نصيحة روقي
واظهري تقديرك لاهتمام جدتها
ولا تعتقدي ان الصحة بالمستشفيات
الصحة بيد رب العالمين
وكلي امورك له واطمئني
ومافيها الا العافيه ان شاء الله