رد: مناقشةمع الحموات أمهات الأ
ياحيّ العوده يامتفائلة فرحت يوم شفت موضوعك لأنه كان عاجبني وحسيته شيّق ومثمر..
طيب ليش مانقول ان المشكلة غالباً مو في الخاله المشكلة من زوجة الولد .. !
إنتِ نفسياً وعقلياً كـ زوجة ولد حطي في بالك اعتبارات انها أمه وعمرها وقدرها وحقها عليه وتحول مشاعرها و و كلها أمور غصباً عنها وتقدرين بإسلوبك تمتصينها .. مو لازم كل حرف بتقوله بتسمعينه وكل تصرف بتركزين عليه وتستقعدين لها وتغارين منها و و
تغافلي وطنشي وانتِ الصغيره المتعلمه والزوج في النهايه عندك ومعك ولك !
والله يامتفائلة اغلب البنات تصغر عقلها في هالموضوع بالذات ومن قبل تتزوج وهي مستعده ومجهزه نفسها لهالحرب وفي الحقيقة لو عاملتيها واحترمتيها مثل أمك بالضبط مهما قالت وسوت بتحبك ياشيخه يكفي عمرها !! عييييب والله عيب اشتحن من وحده كبر أمي؟ طنشي طنشي طنشي طنشي لين السنه الجايه وحافظي على احترامك لأن اي زعزعه معاها تزعزع احترامك عندهم وعند زوجك بعد ..
والرسميه مطلوبة والكلام الموزون مع اهل الزوج لأن الميانه الزايده هي سبب المشاكل مع الحمولة ..
انا خالتي تحبني وتحتفل فيني حتى مواعينهم الغاليه تطلعها لي اذا جيتهم هههههه لكن انا اللي فرضت احترامي وامدحها في كل مكان تنذكر فيه حتى من وراها ويوصلها دائما اني امدحها واشكر اخلاقها ولايمكن اتكلم فيهم عند احد او اطلع اسرار بيتهم ..
"علماً ان فيها صفه ماحبها وتضايقني وحاولت اشرحها لها كثييير لكنها معنده في هالموضوع وصرت اجاريها فيه مرغمه بس مابي ازعلها "
طبعاً هذا مايمنع ان بعض الخالات عقوبة وابتلاء لكن معليش تغافلي او حطي حد بدووون مهاترات بينكم
انا عندي قاعدات في الحياة ماتحتمل النقاش من ضمنها
~ كبير السن والقدر له إحترامه مهما غلط ومهما تجاوز لايمكن اغلط عليه اما احد اصغر خليه يغلط بس اذا فيه خير ههههه ..
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال