بشوف كل الاطراف الها دور بالموضوع
المفروض الرجل ما يفضل زوجته على امه ولا أمه على زوجته في حال كان في ظلم بالموضوع
الحق حق بس بطريقة ما تأذي اي طرف ولا تخلي الطرف التاني يتمادى
والزوجة كمان الها دور انها تتفهم انو امه ولها مكانة متل امها والام لازم تتفهم انو ابنها صار الو حياة متل ما هي الها حياة
جدتي عندها عشر شباب ماشاءالله وكلهم اتزوجوا بس عمي الصغير خاطب بعمري ما سمعت جدتي حكيت على كنة او اتدخلت بحياتها
وماما زوجت اخي دايما بتداري زوجة اخي بتضل بتقلنا لازم نحترمها ونحبها على محبة اخوكم ولو غلطت ما بتحكيها شي
مع انو بتنقدني الي كتير و بتقلي انت بنتي شو ما حكيت ما بتزعلي مني

اول مرة خطبت لمدة سنتين اقسم بالله ما بنسى كلام ام خطيبي السابق
قالتلي وقت صار خلاف وبدنا ننفصل اذا مش مرتاحة القرار الك ابني بيضل شاب والمجتمع ما بتفرق معو ان تزوج مرة وعشرة
بس اذا مش مرتاحة ما بدي تتزوجي وتتطلقي وانت بهالعمر ويصير فيكي متل ما صار ببنتي
وانفصلنا وكل ما تشوفني بتسلم عليي وتضمني وحتى من بعد اربع اشهر من الانفصال خطبنا انا وزوجي الحالي تضل تسأل عني ومن بعد زواجي تسألني عن زوجي واولادي بس كنت انزل على لبنان
ولحد الآن علاقتي معهن قوية وبضل بتراسل مع اخته وزوجة اخوه وأقرباؤه لخطيبي السابق
وحتى مرة صار في عندهن وفاة اخدت زوجي معي على بيتهن رحنا عزينا
ام زوجي الحالي بفضل ما احكي كتير عنها بس بنظرها اذا زوجي بيحبني يعني انا المسيطرة
وعمي ابو زوجي بيحبني كتير وكل ما يشوف صورة لزوجي والي بيضل يقلو مرتك ما بتكبر بالعمر وبس تسمع هيي بتقول لزوجي شو بدك بأبوك ما ترد عليه ما صارت متل العجوز وعلى مسمعي وهالكلام من شهر تقريبا مع انو زوجي اكبر مني ب15 سنة
ومين ما بيشوفني بيقول نفس الكلام اني ما مبينة مزوجة وعندي تلات اطفال وهالشي بيقولوه لزوجي وبيشوف حالو فيني
ومواقف كتير بفضل ما احكيها
بس انا ما برد وزوجي بنفس الوقت ما بيحكيها شي بس ما بيرضى بالظلم وبيقلي ما تردي
ومرات بيحميها انو ما بيصير هيك
انا بقله بتضل امك بس علاقتي معها حاليا مقطوعة لانو اتحملت 11 سنة وضليت ساكتة
واخر اربع سنوات صارت العلاقة متوترة لانو ما عدت اقدر اتحمل ففضلت ابعد احسن ما اوصل لمرحلة الكره
وخاصة بس شوف علاقة ماما مع زوجي
ماما اكبر منو بتلات سنوات وعلاقتهن متل الاصدقاء

وعندي قاعدة اذا الله كتبلي عمر بس زوج اولادي هني بيختاروا شريكة حياتهم
ولا بفكر اجي بصف ابني ضد زوجته ولا بفكر اتدخل بحياتهن ابدا
اذا طلبوا النصيحة بنصح بس هني حرين بأي قرار بياخدوه ويتحملوا نتيجة قرارهم
لانو متل ما انا الي حياتي من حق زوجة ابني يكون عندها حياتها
واذا ابني راضي بسلبياتها انا شو دخلني
صحيح تعبت وربيت بس اذا بحب ابني المفروض ما اتدخل بحياته كرمال رح يصير في مشاكل ورح يضيع ابني بيني وبين زوجته
فببقى انا امه اللي بحبها وبيحترمها وهيي زوجته اللي بحبها وحياته رح يكملها معها
ووقت بدها تكون الزوجة مش منيحة المفروض الابن يوضعلها حد مش ام الزوج
لانو ما في زوجة بتتمادى الا اذا زوجها سمحلها
وعندي قاعدة ابنائنا ليسوا لنا بل ابناء الحياة
لانو رح يصير عندهن مسؤولية بيت وزوجة واولاد يعني اذا بدي غار من زوجة ابني من الاساس ما زوجه
واذا الزوجة بدها تحاول تبعد الزوج عن امه لازم تفكر انو عندها اخ ورح تصير ام زوج بالمستقبل
وبس نفكر بربنا بنعمل باللي بيرضيه

احترامي
ا

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه