رد: غُرف المعلمين والمعلمات
معلمة مختلفة
الله يجزاك خير على كلامك الطيب
فعلاً كلامك صح لازم تصيرين الثرثاره المهرجة اللي تسولف وتضحك
وتعلق وتهمز وتلمز عشان تعجبينهم ومايشوفونك مغروره ؟
خلاص ماشاركتيهم تفاهاتهم انتِ متكبرة ومغرورة مع اني اجتماعية واسولف
وامزح بس مو على مودهم وطريقتهم اللي يفضلونها ،،
اما الإدارة المالية اووو فعلاً انتِ بنك متنقل وان مادفعتي معهم وشاركتيهم
شوفي التهم والتعليقات والهمز واللمز
عسى ماندخل النار بس بسبب هالمجتمع الله يرحمنا برحمته ويغفرلنا ويتوب علينا
وأكبر مشكلة انك تصدقين وحدة منهم لأن اللي بتجيك تنقل لك كلام .. هي نفسها اللي بتروح لهم تنقل كلام عنك
فيه قاعده عامة " في مجتمع العمل لاتكونين صداقه ابداً ولاتعطين العلاقات أكبر من حجمها "
مجرد زميلات يشاركوني المكان ونتقاسم العمل فقط
مع اني لاحظت العمل في القرى والهجر النائية أهدأ وأجمل من المدن الكبيرة
كانوا المعلمات أرقى وأكثر إلتزام والعدد أقل ومافي تنافس يذكر
وفاء
بالعكس حبيبتي حضورك مهم لأنك معلمة ومشاركتك معنا فعاله
مسك
بما انك موظفة على ما اعتقد مايمنع تكتبين تجربتك الوظيفيه وعلاقتكم في العمل وكيف تمشي الأمور عندكم
الغرف الله يسلمك هذه مكان المعلم المخصص يعني مكاتبهم فيها وجلستهم وفطورهم وخصوصيتهم ونقاشاتهم
والتدريس عباره عن جدول وحصص وكل وحده على حسب نصاب حصصها في هذا اليوم
احيانا يكون عندك حصص قليله في هاليوم وباقي الوقت جالسه في هالغرفه السعيده
واحيان عندك حصص كثيره في هاليوم وتفتكين من هالغرفه السعيده
بإختصار هي المكان اللي يجمعهم كلهم والمدارس الكبيرة جدا يكون فيها اكثر من غرفه وغرفتين وثلاث للمعلمين
__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾
هُنا دلال ، حيثُ نجد وحيثُ الشمال