والله شوفي . انا توني ماعندي الا بنت عمرها 4 شهور ... ماكملت نفاسي عند اهلي يعني اسبوعين ورجعت .. وخلال هالاسبوعين لقيته متعود ينام لحاله ع طريقه معينه بدون مايحضنني مثل اول والخ .. نزلت موضوع هنا وكذا لان جد انزعجت .. وقدرت احل هالمشكله الحمدلله بفضل الله ثم الاعضاء ..

المشكلع الثانيه عارفه انتي وضع المولود بفترة الاربعين كله صياح بسبب جوع ومغص وكذا كل ساعه تصحى ساعتين تصيح و بالغصب تنام .. وانا كنت ماعرف لانها اول بنت ماعرف اتصرف اذا جيعانه و ممغوصه ويبي لها تغيير كله بنفس الوقت .. كنت اشغل الضو و اخليها تصيح و اغير لها وانظفها و بعدييين ارضعها و تستفرغ واغير لها مره ثانيه .. والصياح مستمر و زوجي يغطي راسه ويقول عندددددي دووووام سكتيييها طلعيييها للصاااله اقوله الحين اخلص .. المهم كان يقوللي مو حاله هذي ماتخليني انام و عندي دوام ترى والله انام بغرفه لحالي .. قلت له لا مافي نوم لحالك والبنت انا اتصرف معها .. ومع الايام تعودت ان اصحى قبل وقت رضعتها بدقايق اجهزها لها .. و اذا تحتاج تغيير اطلعها للصاله .. صارت ماتصيح ولا ينزعج الا حالات نادره اكون غرقانه بنومي او تكون تعبانه يصحى يسكتها على ماجهز رضعتها .. يعني تصرفت من البدايه لان مثل ماقالوا الزوج اذا طلع صعب يرجع وانتي لاتخلينه يهجر غرفته .. قبل يصحى ولدك روحي له وخليك معه بعدين ارجعي كملي نوم عند زوجك .. الله يعينك والله على هالولد فعلا طبعه صعب لكن بتتغلبين عليه ان شاء الله