الأهلية المشكلة فيها مو بين الهيئة التعليمية والمعلمات والإدارة وهذا هو اللي انا تكلمت عنه في موضوعي
المشكلة في الطالبات وتمردهم وفيه أسباب كثيرة تعطيهم هالقوة ولكن مو دائماً لأن اغلب المدارس الأهلية تحرص على اسمها وعلى تخريج دفع محترمة .. والهيئة التعليمية كلهم تحت سلطة المالك وفسخ العقد سهل مجرد شخطة توقيع والمعلم عندهم حريص على رضاهم وعلى الحفاظ على لقمة عيشه


اما الحكومية تختلف لأن كلهم نفس القوة في الحقيقة حتى المديرة فعلياًمو اقوى من المعلمة ولو تصعد الموضوع وتكبر المشاكل التحقيق يلحق حتى المديره عشان كذا المديرات ايضاً يخافون ومايكبرون المواضيع والجميع يشتغل تحت دائرة حكومية وانظمة العقاب والفصل معقدة وصعبة عشان كذا مافي رادع كل شخص رادعه ضميره فقط
وغير كذا معلمات الاهليه مشغولين كثييير بالحفلات والمسارح والفعاليات بينما الحكومي فاضين في الغالب

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال