المشاركة الأصلية كتبت بواسطة زين ابيها

المعذرة اختي ميما ، الكلام اللي ذكرتيه ببداية كلامج
غير موجود لا شرعاً ولا عرفاً حتى ..
و طبيعي ما 99٪‏ في كل الزواجات سوى بالثانية ولا بالرايعة حتى ما يكون برضى أي من الزوجات..:
ومو معروف إن يترك الزوجة الثانية أو الثالثة أو غيرها ويرجع للأولى
ولا يترك الأولى ويرجع للرايعة...
لأن هذي معايير شخصية وليست معايير حقيقية بتاتاً ..
هذا يعتمد على شخصية الرجل بالدرجة الأولى ..


أختي صاحبة الموضوع..
ما راح اقول لج الديباجة المكررة الغير صحيحة إنج بتعيشين مع نصف رجل..
ولكن الأمر الحقيقي هل تقدرين تعيشين مع رجل كامل بنصف الوقت ؟
أو هل تقدرين تعيشين في ظل مشاكل قد تكون مؤقتة قصيرة أو طويلة المدى نسبياً لأن قد تصير مشاكل مع زوجته الأولى وتنعكس عليج لأنه بيضطر يداري فترة من الزمان...
وإذا بتتزوجيته اشترطي العدل ، لأن قد يقع عليج ظلم أو عليها
لذلك اشترطي العدل ، ليلة عندج و ليلة عندها ... عدا أول الأيام فلج حق شرعاً ان يكون يبات معاج فقط

واسألوا عنه عدل ، وقعدي معاه اخذي واعطي .. افهمي تفكيره ...

التساؤلات اللي طرحتيها تعتمد على الرجل نفسه مثل ما قلت سابقاً..