اقول اللى صار وقت زيارتها لي ..<<بدري ^_^

لما كلمتنى المشرفه و قالت بتزورنى كان موقف جدا غريب و الافكار
اخذت تودي و تجيب بعقلي و توقعت مصائب " متشائمه " ..
وفكرت اعتذر منها و اتحجج باي حجه و خاصه انى كنت محبطة و مشغوله
كلمت اختى و قالت فليكا اسمعى منى لو مره ^_^ خليها تجى نشوف ايش عندها ..
وارسلت لى هاه ازورك ؟ قلت حياك الله ..

في يوم زيارتها توترت و جهزت الضيافه و تكلفت و حجزت بوفيه من برا ..
جوا خواتى اثنين و من العصر و انا قايله لهم لا شوفكم الا بعد المغرب ..!
و تسالنى اختى للمره المليون : فليكا انتى متاكدة انها فلانه الفلانى ؟!!
انا ايوا و الله و اقسم لهم ماحد مصدقنى !!
و اجهز نفسي و توترت جدا لدرجه دعيت انها ماتجى < غريب موقفي مو عادتى
مر الوقت و انا مابدلت للان بس سويت شعرى !!
واختى فليكا الوقت رااح ،، و فجاه والجوال يدق و حسيت ان خلاص جاء تلجد
و جد الجد انها بتزورنى ..
فليكا دقيقه و احنا عندكم ! طيب ماسالونى عن العنوان !!!
اختى عادى يافليكا هذولا ناس واصلين تجيهم العناوين لعندهم ^_^
و شوى الا اسمع جرس الباب ..
واسمع اختى تحيي يا هلا ومرحبا ..
واتذكر انى مابدلت ^_^ و كنت طبعا مجهزه و منسقه ملابسي الا انى لبست لبس
ثانى غيرت رايي باخر لحظه ..!
و لبست فستان ناعم و قابلتها جت هى واختها ومعهم وحده مدرى ايش تصير لهم
هيبه ورزه مو زى اي ضيفه ..
مع الكلام و الضيافه كانت مبسوطه و هى تتكلم معنا و قالت لنا عن بعض جوانب حياتهم
وسالتها اختى عم اختهااللى تشغل منصب حساس جدا قالت انها اختهم الامبر منهم
وقالت زيارتنا هذى تعارف و شخصيه ..
و بس تطالع فينى وهى تتكلم مع انى ماتكلمت كثير و احرجتتنى بنظراتها ..
سالتنى عن خطبة سابقه كانت فاهمتها غلط هى و قلت لها ان بس كلام مو شي فعلي
وكان لابنه مو له "شخص تقريبا قريب من منصبهم بس اقل منهم "
قالت انا والله مابغى مشاكل و قلت لهم انتهى الموضوع معهم لان ماوافقت على شروطهم ..
قالت احنا غير انتى اشرطي ..!
قلت نعم ؟!! لانها للان ماخطبتنىً..
ابتسمت الحرمه اللى معها قالت لاختى اختك ماشاء الله عليها نبغاها لابننا
ان وافقتم ..
واختى احرجتنى استلمت المشرفه تحقيق ^_^
و قالت لى اختك من شفتها انبسطت رغم انى كنت اسمع فيها. شكاوى
وكنت ناويه لها نية شينه ..^_^
بس من شفتها سبحان الله دخلت قلبي جتنى مبتسمه وواثقه و حسيتها
عندها خبره بالعمل بس تتكاسل ^_^
وتقول دخلت قلبي ..
قلت لها لكن انتى جيتى طلبتينى بالاسم و تعرفين خواتى واهلى
حسيتها تلعثمت و قالت اختها صحيح ..
سمعنا عنكم و بصراحه ولدنا ندور له عروسه من زمان و لقيناكم مناسبين
بعدين قالت المشرفه فليكا اخوى شافك قبل و كلمنا نخطبك ..
قلت وين شافنى و من هو ؟؟ ضحكت قالت تفاصيل مالها داعي ..
ومن ضمن كلامها تقول ايش رايك تكملي ماستر و خذى تفرغ من العمل
قلت مايعطونى قالت نجيبها لك من الوزاه ..
وترتفع شهادتك ..
و بس و طوولت الزياره و تعشوا و لكن كان لهم هيبه و للحرمه اظنها موظفه عندهم
وراحوا و انا مررهقه و خواتى يقولون فليكا وش نقول للناس ان سالوا كيف
عوفناهم و كيف و كيف ورحت انا غرفتى ارتاح من هول الصدمة ^_^
وهم يحللون الموضوع ...

فعلا كلامهم الكل بينصدم ان عرفوا و اشياء كثيره
ويمكن الله رايد اوصل مكان كبير ^_^

لى عوده اكتب عن الشوفه ..