بِسْم الله

بدخل بالموضوع


مشكلتي من رفضي لولد عمي ما زلت أعاني منها
"ما ودي ارجع أتكلم بذاك الموضوع لأني كنت جاهلة و طائشة واسمع للناس و تجربتي هذي خلتني اكبر من عمري ب20 سنة لأني تعلمت منها الكثير و الكثير"

اولا احنا بنات عائلتنا " بنات العم " ما يتزوج مننا احد من باقي الجماعة او حتى من بعيد الا اذا كان يملك مواصفات ممتازة ؛ هذا طبعا في اعتقاد جماعتنا ان ال فلان محد ياخذ منهم الا عيالهم

وخارج القبيلة مشطوب عليه تماااما ولو يسمحون كان انا من زمان متزوجة

المهم غالبا احنا لأولاد عماتي و أعمامي

المشكلة من لما رفضت ولد عمي العائلة كلها شطبت عليّ محد يبغاني لاعتقادهم اني ما ارضى آلا برجل كااامل و الكمال لله .. و الحقيقة اني عادي ممكن اقبل باقل واحد اذا كانت اخلاقه عالية ؛ أو يمكن يتوقعون اني أفكر في شخص ثاني مدري عنهم

انا الحمدلله فيني مواصفات مميزة و واثقة من نفسي ثقة كبيرة جدًا ولكن يحز بنفسي ان الناس تتراجع عني بسبب ماله مبرر الا ظنونهم و اعتقاداتهم

مثل زوجة اخوي دايم تلمح لي انهم يفكرون يأخذوني لولد اختها "اختها من جماعة ثانية و ساكنة بالديرة في البر لكن الولد متعلم و جامعي ما فيه شيء و كل بنت تتمناه " بنفس الوقت ترجع تقول بس إنتي ما يرضيك مرضي و لا يعجبك شيء و بسرعة تضيع الموضوع
ودي أقول لا عادي دام الولد جامعي و هم أصلا ناس خلووووقين جدا جدا 💔
لكن مقدر أرد و لا يمديني حتى ارتبك و اسكت بقهري وقلة حيلتي




مدري يمكن ما وصل لكم اللي فيني لكن جد انا فيني غصة و لا ادري وش أسوي فرص كثير جالسة تضيع مني وكل مره يكون السبب خارج عن الإرادة لكن بموضوع زوجة اخوي احس ممكن اقدر أغير فكرتهم عننا لكن ساعدوني كيف المح لها اني بارضى بولد اختك و لا عندي مانع

هو ما هو وسيم و ع قد حاله لكنه بااااار جدًا بأمه و جامعي هذي تكفي و ماليه عيني والله
لكن هم يعتقدون اني أفكر في الوسامة او المكانة الاجتماعية و انا ما همتني لأننا ما شفنا الشر الا من الناس اللي اهتمينا لمكانتهم و وزنهم

ما لجأت لكم الا اني فعليًّا محتاجة توجهوني و تشغلون لي شوي من عقول الحريم و تدابيرهم "بالخير 😩😂" و لا استغني عن ردود اخواني الأعضاء

ما ودي هالرجال يطير مثل غيره💔

هي زوجة اخوي حاليًا عندنا وبتسافر مع بداية الدوامات
يعني ما عندي فرصة الا هالكم يوم

ساعدوني


اضافة : الولد اخلاقه عالية بشهادة الجميع يعني باذن الله لو صار اللي ابيه اني ما راح أندم .


تم تعديل العنوان ليتناسب مع المضمون