المشاركة الأصلية كتبت بواسطة meemaa

طيب ايش الاسباب الي خلى الناس بتاخذ هدي الفكره عنك ؟؟
فقط بسبب رفضك ؟؟ او في كلام انقال من وراكم ؟؟

لما تكلمت عن رفضي كنت اقصد جزئية ان العائلة صرفت النظر عني لأن ما قد صارت عندنا وحدة ترفض
فاتجنبوا + كنت مخطوبة لولد عمي 5 سنوات و هو كان متعلق لكن بجهالة ضاع كل شيء و الحمدلله ع كل حال
باقي الجماعة هم يشوفون اننا ما نرضى بأحد و الفكرة منهم لهم ، بنات العائلة كلهم جوا العائلة من اعمام الى عمات الى خوال فقط لا غييير

يعني انا لا عائلة تبغاني و لا جماعة راح تقرب مني و اللي من برا صعب صعب صعب جدًا

ع العموم طالما هي زوجة اخوكي .. تقدري تتكلمي مع اخوكي .. طبعا لاتقوليله ماابغ هالرجال يضيع مني مثل باقي الفرص الي راحت ومن دا الكلام ...
لاااا لأن ماتدري ممكن هوا من النوع الي يحب الفضفضه ومايخبي شي عن زوجته و يقول لها كل كلامك ..
بس ممكن تجيبيها من ناحية النقاش معاه والكلام .. مثلا كأنك بتسأليه غريبه الناس ماخذه عني ذي الفكره ؟؟ اني ابغى الرجال الوسيم ووو وانا اصلا دي الحاجات ماتهمني ؟؟ تتوقع من فين جابو ذي المعلومات الغلط ؟؟ تتوقع طلع كلام من ورانا ؟؟

وحيبدأ هو يتكلم ويبرر ويقول رأيه وكدا .. بعدها قوليله حتى زوجتك استغربت لما قالت كدا وكدا وقوليله الهرجه ..
اكيد هو راح يسألها اذا هي قالتلك كدا او لا .. وبيصححلها الفكره بدون ماتقوليها له بطريقه مبشاره .. عشان مايقولها بالصريح ..
اشوف انها فكره حلوه