المشاركة الأصلية كتبت بواسطة mimomea

الله يريح بالك عزيزتي ويحفظ لك ابنك وتشوفيه بأعلى المراتب
البلاي ستايشن بتأثر كتير عالتفكير والتركيز والسلوكيات وخاصة اذا كان اغلب الوقت الولد جالس يلعب لانها بحاجة لتركيز كتير
واغلب الألعاب فيها مخصصة لعمر فوق ال18 سنة
انا ابني بعد شهرين بيصير عمره 12 سنة وجلست قرأتله كل السلبيات وتأثيرها على صحته وعقله
ومسموح يلعب يوم السبت والاحد وساعتين باليوم
بالأول حسيت انو رح يصير عندو ادمان عليها وكان أصعب شي ينحرم منها
بس بعدين اتفهم وخاصة من بعد ما قرأتله سلبياتها صار مقتنع ولوحده اخد القرار انو المفروض ما يقضي وقت كتير عليها
وخاصة عندي اخ اكبر من ابني بحوالي اقل من اربع سنين ويعتبر صديقه وخاله بنفس الوقت وقله نفس كلامي انو ما تقعد كتير بتأذيك واشغل نفسك بشي مفيد

اتقربي منه كتير وكوني صديقته واذا بتخرجي معو لوحده متل ما سبق واقترح الأخ الكريم عبد الله هالشي الو ايجابياته وانا بتبعها مرات مع اولادي
والبارحة رحت اتغديت انا وابني الكبير وقت كان اخوه واخته عندهم درس خصوصي عربي
وبخلال ساعة قعد يحدثني بأمور كتير بتخصه وبأحلامه وطموحاته
وحتى من زمان بخصص مرات لولد من أولادي اخرج انا واياه نروح نشرب شي او ناكل او نتسوق
حتى صاروا الأولاد مرات يسألوني ايمتا بدي أخرج معك لوحدنا
لاحظت انو بيحس الولد انه مميز وكل الاهتمام اله ولو بيحب يكون مع امه وابوه واخواته
بس بيضل مرات بيحب يكون لوحده مع امه او ابوه وانو في شي خاص الو

ولا تهملي الأخصائي السلوكي للأطفال لانو تأسيس وتدارك الطفل بيبدأ من عمر صغير وخاصة بهالزمن صار الولد اوعى بمراحل عن ايام زمان
دعواتي ترافقك
احترامي