السلام عليكم
شكرا وفا على الاجابة
قسمتيني اذا كان زوجك في بداية الزواج حنين علاه مايكملش خطرات نحس يديرو الزكارة.
المهم انو زوجك في العلاقة حنين الدنيا وما فيها، خير من والو، تخيلي وليت نحس من الحرمان انو الحنية في العلاقة تكفي معليش على الاقل المرأة متحسش روحها ادات جنسية برك.
واش نحكي وواش نخلي معليش نشكو شوية
انا لا حنانة من قبل ولا من بعد الزواج روشي
نحسو حاب يدير حاجز بينتنا
الكلام والو لوكان منهدرش معاه انا ميهدرش غير تعليقات او اوامر ((راهو مسافر من الاثنين مهدرش معايا))
لا حوارات لا نقاش لا دردشة لا والو هو في عالم وانا في عالم اخر ((لدرجة اشترئ مرة سيارة وباعها وانا مسمعتش الا بعد شهور من شكون؟ من عند خويا الصغير هههههههه تبهديلة
جدي بزاااااااف، يهابه الجميع لا يبتسم الا ماندر،
ناقد درجة اولئ ما يفوت والو لازم يعيط، انا نخليه يعيط حتئ يشبع مسكيييييييين ما عندوش وين يفرغ زعافو ههههه
هو انسان مسؤول لكن صارم بزاااااااف حتى معايا ميعرفش اللين
اما في العلاقة صراحة احس انها مملة احيانا (هو ميحبش يهدر.......)
هو يوم كامل يعيط ويخسر في الكلام ولا تبسيمة لا والو والليل لازم تعطيه حقو من غير تذمر وتكوني قمة في الاحساس ولازم منسيفش عليه يهدر)
كي تعمرت قتلو خلاص بزاااااااف ماراكش راقد مع دمية قالي انا عامل هكا فاقد الشيء لا يعطيه ادعي ربي نولي حنين وزيد انا في علاقة.... منحبش نهدر g
درك ولا يقولي زوج كلمات صراحة ما نحس عندهم معنئ اذا تعلقو بامر معين
يخرجلي عمري باش يعطيني بوسه في وقت خارج عن العلاقة
الحضن لا يوجد الا في........
المهم السلسلة طويلة
انا راني رايحة نقرا درك اومبعد نكملو
شكراً