الناس عديمي الاسلوب ؟
السلام عليكم ورحمة الله
ايش الطريقه الافضل للتعامل مع الناس ذات الاسلوب الوقح او زي مانقول عديمي الاسلوب ومايعرفو يتكلمو .. بغض النظر عن نيتهم طيبه او سيئه ف الاخير ربي اعلم بنوايا ..
حصل لي موقف مع وحده من الزميلات .. كنا بنتكلم ع الواتس ..
ومن كلام لكلام .. قامت قالت لي ( ماشاء الله عمرك 24 وخلصتي الجامعه وتزوجتي وخلفتي وتوظفتي متى مداكي تعملي دا كللوووو بهدا العمر ؟؟؟ )
انا لاشعوريا خرجت من المحادثه لثواني رغم انها قالت ماشاء الله الا اني احس في اسلوب لما الوحده تتكلم وفي اشياء تنقال واشياء عيب تنقال حتى لو ذكرت الله ..
وانا انفر جددددا من الناس الي ماتعرف تتكلم واسلوبها احس فيه شوية لقافه على واقحه
وعلى طول قلتلها يالطييف قولي ماشاء الله بعدين ماعملت انجاز كبير بحياتي عادي زي كل الناس و عملتها بلوك رغم انها صديقتي من فتره مش طويله 
...
وماحاولت ترجع تتواصل معايا او تتأسف ما اعرف انا طريقتي في الرد والبلوك غلط ؟؟ ولا نيتها كانت طيبه ( بس مع ذلك ماحقدر اتقبلها مرا ثانيه ابدا ) .
__________________
لاتسعى لتصحيح ظن احد بك ££ خالقك ينظر لقلبك وهذا يكفيك
التعديل الأخير تم بواسطة ويبقى الحنين ; 14-02-2017 الساعة 11:46 AM