بصراحه تاريخه معك مايشجع على الرجعه هذا انسان مراوغ وكذاب ليش رجعك اول مره وهو خاطب وخلاك تحملين منه وتورطين بالطفل
ليش من كذب امه عليك طلقك وماتحقق من الموضوع ليش مايرد عليك بعد الطلاق ولا تفاهم معك هذا شخص بصراحه ماله امان واللي رماك اول مره بيرميك عشر لكن بعد ماتتورطين باطفال اكثر
الرجال ماضيه هو واهله معك بصراحه اسود
ليش ادخل على ناس كارهيني وهم سبب في طلاقي وحتى زوجك معهم ولا تمسك فيك للاسف
مستغربه صراحه من كثرة الاحداث اللي بحياتك في سنتين من زواجك منه وزواجه وحملك وطلاقك ورجعتك قصه نهايتها قريبه ليست في صالحك
طيب بيرجع من ورا امه ولا لان اخته صار لها مثل ماصارلك حس هو وامه انهم ظالمينك
ولا الحرمه الجديده ماتحمل ويبيك مفرخه له
لاتكونين رخيصه برجعه
اذا انتي تبينه وماتقدرين تستغنين عنه اقلها مرمطيه قبل الرجعه واكسري ظهره بالشروط ولا توافقين عليه لين تبهذلينه لاترخصين نفسك ترا اللي يجي بساهل يروح بساهل
ماسمعتي بقولة يمدور الهين ترا الكيد احلا
الرجال مايحب الا اللي تعطيه ظهرها يركض وراها لاترجعين صدقيني بيسهل عليه رميتك ثانيه الا بعد مايحفي وراك
وبعدين ليش يرسل خالته مالك اخو وهو ماله السان من زود الحقران لك لاكلمت امه ولا كلم هو داري على شمعتك تئيد على قولت اخوانا المصريين
وان خسرتيه وانتي اللي رافضته خيره وبيرزقك ربي بابرك منه بصراحه زوجك اللي تقولين طيب وزين ويحبني انا ماشفت الا لئيم ومراوغ وغدار وناكر جميل وضعيف شخصيه
لا تتسرعين في قرارك انتي منتيب عجوز بايره ولا عندك اهل ومحتاجته لا تتسرعين حبي نفسك قبل الكل وشوفي نفسك
زوجك مايستاهلك الا اذا شفتي منه تنازلات تستحق انك ترجعين له
وعلى فكره اختاري اللي يريحك انتي انتي اللي بتعيشين معه مهوب امك ولا اخوك وكلمت اصبري عشان ولدك احذفيها من قاموسك وش تفيدك الكلمه اذا جاك مرض نفسي وكتئب وش تنفعك الكلمه هذي الى صار معك ضحايا اكثر لا ترخصين نفسك عشان طليقك مايرخصك