والله يااختي سويت الي يبيه وزياااااده تنازلت عن اشياء كثيرة عشانه سويت له كل الي يبيه دست على نفسي وكرامتي عشانه ... سألته عن رغباته وكل مايريد ويتهمني بالتقصير معاه من ناحية الاهتمام بأكله بإستقبالة لما يجي للبيت يقول لما اجي ابي اشوفك عند باب البيت وتهلين بي وترحبين وتحضنيني وتقبلين وتقدمين لي الشاهي والقهوه واصناف الحلويات ... يقول ابي اهتمام اريد تقبلين يدي وراسي كل يوم ..
و تنتظريني لين اجي باليل ...
والله على ما اقول شهيد اهتميت فيه... واسوي اكل كل يوم ويقول مابيه بروح عند أمي واقوله بسلامتك ياقلبي . . استقبله مثل مايبي ولاكن اشعر بضيقه فيه ويتنرفز ...
مره من المرات دخل بدون ما احس فجأة و خفت انه يعصب ويزعل وفزيت من مكاني وكان بيدي الجوال ورحت استقبله واحضنه وارحب فيه مثل مايبي ... طبعاً وانا احضنه طاح الجوال مني واتكسرت الشاشه انعدمت خلاص ... فحزنت بصراحه كونه الجوال فيه جميع صور اولادي القديمه هذا الجوال صارله معي 5 سنوات وكان رافض يشتري لي جوال ...
فأنا ماقلت شي له وجلست احاول بالجهاز يشتغل ولاكن بدون فائده ...
فعصب علي و بدأ يسب ويقول وين عيونك ماتشوفين ... والله خنقتني عبره ورحت بالمطبخ اطلعها يعني مثل هالموقف المفروض يقول ابشري بالعوض ويعوضني احسن جوال ....
لا كن ماقلت له شي وسكت واخذت جهاز قديم من خواتي امشي فيه حالي ...
ذاك اليوم جاني وقالي انتي زعلانه قلت ليش زعلانه قال انت غثيتيني تقولين اشتر لي جهاز جديد وانا ماقلت شي. ... وعصبت عليه و بدأ شجار بيني وبينه ... اتصلت امي علي بالصدفه وسمعت صوتي سألتني وش فيه فقلت لها السالفه كلها ... امي قالت لأبوي وابوي جاني وقال جيبي الجوال اصلحه لك واخذ الجوال وصلحه وجابه وقال اذا سألك من زين لك الجوال قولي ابوي و وبس لاتكثرين كلام معاه ....
وسويت مثل ماقالي ابوي ...
والله برمجت نفسي على مايبي ولاكن لا حياة لمن تنادي ..