بالنسبه للموضوع .. حبيبتي انت عرفتي ان هو طيب ويحبك واهله طيببن بس مو المشكله في شخصيته وتفكيره . كثير ناس مايتفقو في شخصياتهم وتفكيرهم ... انتو لكم سنه وقلتي مو قادره تتحملي شخصيته
طيب انت ايش عيوبك ؟؟ تخيلي انك انفصلتي وتزوجتي شخص مو قادر يتحمل شخصيتك او تزوجتي شخص غيره وطلع انسان طموح وغير اتكالي ومايعلم اهله بشي بس مشكلته حق سهرات خارج البيت راح تفكري بالطلاق ؟؟ او يطلع شخص بس يتشمت فيكي بألفاظ وقحه ويمد يده عليك لكن ليس اتكالي وشخصيته قويه وقيادي وطموح ووو ؟ حتطلبي الطلاق ؟؟

المغزى من كلامي مو مل شخص ماناسبنا بالتفصيل الممل نبعد عنه لان مستحيييييل تلقي شخص 100٪‏ مثل ماتبغي ..
اول شي الان لاتفكري بالحمل حاليا طالما انت حاسه وضعك غير مستقر حتى الان ..عشان الطفل ماينظلم ..
زوجك حاولي تحطي في بالك وتقولي هذا هو زوجي هذه شخصيته هل يستاهل انفصل عنه ؟؟ فكري في جميع الجوانب. ( لكل انسان قدرة تحمل على الاشخاص ف انتي شوفي نفسك ) ..

وفي حاجات تقدري تغيريها لكن ب الأفعال مو بالكلام ..مثلا موضوع المصاريف ان طلبك من مصروفك الي يديكي هو قوليله والله حبيبي خلص ماعندي امي اسلفت مني اختي تسلفت اشتريت فيه الشي الفلاني >> عشان يبدأ يعتمد على نفسه ويكون حريص في تقسي الفلوس ومايعتمد عليكي
وغير كذا جربي تقسمي معاه الراتب يمكن ماعنده حسن تدبير وللأسف احس دي العاده بزوجي كمان ..

ثاني شي موضوع المشروع وان يكون لكم دخل ثاني شي كويس بس هو مايبغى شغل ثاني اضافي لشغله .. ف انتي ابدأي بعمل مشروع لكي واجتهدي فيه منها ماتجلسي 12 ساعه طفشانه ومنها لما يشوف ان المشروع دخلك مبلغ شهري راح يتشجع ولو ما اتشجع وجلس يطلب منك لا تديه خليه يعتند ع نفسه ويبدأ معاكي وحبه حبه بتتغير ذي الصفه منه ان شاء الله


حاولي تعدلي بعض الصفات الي تتغير وتحتاج سلوك حياة منظم اما شخصيته حاولي تقبلها

__________________
لاتسعى لتصحيح ظن احد بك ££ خالقك ينظر لقلبك وهذا يكفيك