وجهة نظرك غريبة جدا و غير واقعية و أكتر حد هيتأثر بها أولادك من زوجتك الأولى ممكن يفسروا تصرفك ده أنك مش بتحبهم و مش راغب فيهم و ممكن تكون سبب فى كراهيتهم لك لا قدر الله .

وبعدين نظام المعلومات و الاستخبارات و الأسئلة و التحقيقات ده أنت مكبره أكتر من اللازم الحياة العائلية الواقعية مش بيحصل فيها كده

كمان المعلومات السرية الخطيرة اللى أنت بتعتقد أنها عند أولادك الأطفال وبس .. أكيد الناس اللى حواليك عارفينها و ممكن حد يوصلها لزوجتك غيرهم

لو نفذت وجهة نظرك تبقى بتحط بإيديك سجن لنفسك و لأولادك أنت فى غنى عنه