مساء الخير اخوي فيصل
وضعي مثلك ، ومعنده وداقها براسها الطلاق ، وتفكر الطلاق انه هو الحل ، ومع العلم من بداية زواجنا وصار لنا 11 سنه هي تحبني وبكل امانه وانا كذلك ، ولكن زي ماذكرت لكم بموضوعي اللي انا طرحته بالمنتدى انه خلافات بسيطه بسبب اسلوبي ولساني الجارح وانا غلطان وندمت وتأسفت لها واعتذرت وقدمت وساطات ان ترجعلي وهي تبكي ورافضه ومعنده للرجوع ، فخلاص انا قررت قرار مافيه رجعه وصار هالقرار الحين اسبوع ، والله معاد اتوسط ولاعاد اترجى ولاعاد اتصل بها ولاعاد اراسلها حتى يطيح الجنان اللي براسها وترجع ، واذا تبغى الطلاق فعلا فمستحيل اطلق ، الا كانت راحت المحكمه فالله يعوضني ، وأنا واثق من نفسي مستحيل مستحيل مستحيل تروح المحكمه ، لاني ماني خاين ولاني حق مخدرات ، ولاني انسان سيئ ، غلطتي لساني كان جارح معاها بالاستفزاز ، وخلاص غلطت ، وهي رفضت اعتذاري ، وبخليها عند اهلها حتى هي تهدأ وتعود هي من نفسها ، ومسألة اجلس اتوسط او اترجى فأنا عندي كرامه ، والله مااهين نفسي واذل نفسي بالوساطات وهي رافضه ترجع ، بخليها عند اهلها حتى تهدأ
،،، واصلا صار لها اسبوعين مسويه لي حضر بالواتس ، ووالله معاد اتواصل معاها ابد ابد ، فانت يافيصل خلك مثلي ، لعل الله سبحانه ، ان يحن قلبها وترجعلي ، وانت كذلك مثلي ، لعل قلبها يحن وترجعلك