((( تم الطلاق )))
اليوم طلقت طلقه واحده فقط عند القاضي ، وأبغى اقول لكم شي ،،، والله والذي نفسي بيده ، بعد ان استلمت صورة عقد الطلاق إنه لنزل بقلبي كره لزوجتي وكرهتها هذاك الوقت وخلاص زال حبي لها هذيك اللحظه ، ولاني نادم ابد ابد ، ورحت اليوم المحكمه وانا هادي جدا
وقبل طلاقها اقسم بالله اني كنت احبها ومتعلق فيها لانها حبي الأول وهي ام عيالي واعتذرت واعتذرت لها سابقا وارسلت وساطات من هنا وهنا وهي رافضه الرجوع
وأنزلت اسفل بكرامتي لعيون اولادي وليس لها يشهدالله بخصوص نزول الكرامه وكسر قلبي ، وهي داقه براسها ومعنده عند اهلها وتبكي وتقول انا صبرت وصبرت ووانفجر قلبي ومعاد اقدر اتحمله وماابغى ارجع له وتبغى الطلاق بسبب انها مانسيت الضغوطات والزعل اللي بقلبها بسببي ، طيب ياجماعة الخير انا ندمت واعتذرت ، والناس سامحت على رقاب ، وهذي ماقدرت تسامحني على اخطاء تافهه جدا ماتذكر
وأنا مافيه شي والحمدلله يعيبني سوا كانت غلطت لساني الجارح لها ، وخلاص انا نادم وهي ماقدرت اعذاري ، والآن حاااااااااان الوقت اعطيها طلقه واكسر عينها وقلبها وبخليها تبكي صح ، فإن ارادت الرجوع خلال العده وندمت فمستحيل اوافق ، لاني كرهتها خلاااااص راح هذاك الحب لها ، وجاء بداله بقلبي كره لها ، ولكن إن جاني خبر فيما بعد انها ندمت وتبغى الرجوع فراح اوافق بعد العده بثلاث شهور ، ليصبح عدد الشهور وهي مطلقه((( 6 شهور ))) ومستحيل ارجعها اثناء العده ، لأني مابردت عن قلبي ، فضروري جدا بالنسبه لي عشان اكسر قلبها وعشان تحمدالله على الحياه الزوجيه ، وأما الآن فخلوها تعيش حياة المطلقات ، لأن اكثر المطلقات ندمو بعد الطلاق ، وهي تفكر ان الطلاق هو الحل ،،،، أنا اشكر كل الشكر من قلبي لأخواني وأخواتي الاعضاء والمشرفين والمشرفات على ماقدمو لي من نصايح وارشادات واستشارات ، فشكرا لكم
والله يكتب بما فيه الخير