المشاركة الأصلية كتبت بواسطة VANITY

اهلا اخوي

في عليك ماخذ كثيرة

اولا انت تتكلم عنها وانت محسسنا كانك متفضل عليها لما تزوجتها وكانها شي معزول عن اهلك.. هي تنازلت عن امور ببداية الزواج وهذا المفروض يحسب لها عندك.. ولا يا اخوي اهلها مش واجب عليهم يساعدونك وكونهم ماحملوك فوق طاقتك ولا تشرطوا لما اخذتها كثر الله خيرهم ماغلطوا فيك اذا بتحسبها من نفس الجهة ان عندهم بيت وعيال يصرفون عليهم هم اولى من صرفيتهم عليك يا ابن الناس

ثانيا العاطل من اخوانك مانت ملزوم فيه اذا هو بصحته وعافيته يتلحلح يدور له شغل ويدرس لو ماعنده شهادة.. امك واخواتك والصغار من اخوانك محد يقدر يقول شي غصب عليك تصرف بس اللي عنده عيال وش عذره؟ بيتك ورضا زوجتك وراحتك اولى محد نافعك لين خسرتهم!

ثالثا زوجتك غير ملامة انها تضايقت وهي عروس ان الناس تدق عليك.. بس اقلها انها ماتشكت بوقتها
اسلوبك وطريقة كلامك لهم دوووور.. احيانا تكون مو مقصر بس كل كلمة والثانية اهلي الداخلين وانتي الطالعة بمناسبة وبدون مع انها ماسوت شي او غلط ظاهر.. اهلك على عينك وراسك ماقلنا شي بس حسسها انها احد من اهلك مو تحصيل حاصل او شي ماله قيمة او كبش فداء وخصص لها وقت مثل ماتخصص لاهلك ترا مو عيب

تخيل انها كل كلمة والثانية تقول لك اهلي مايعوضون واهلي اهم منك واهلي واهلي.. كلنا بقرارة نفسنا نعرف هالحقيقة بس ليش نشين نفوسنا على بعض؟

اذا كان ماذكرته اعلاه صحيح فصعب انك تنجح حتى لو مع مراة ثانية..