يا سمورة لو تعرضي مشكلتلك على عدة شرائح من المجتمع وعدة الوان من العقلبات انا متأكدة الغالبية تجمع على خطأ روحتك لأهلك كل اسبوع .
الوضع الطبيعي حسب المسافة الي بينكم تروحي مرة كل شهرين وصدقيني مش كثير وهيك بتقترحي على زوجك ينام معكم وتروحوا مع بعض لانه اعملي حساب المسكين كل ويكند بسوق بين ذهاب واياب 16 ساعة هل هذا معقول ؟ هذا سفر والسفر بحتاج تأهب واعصاب وانتباه لانه مسؤوليتكم كلكم هو حاملها وهو سائق والله لو انا محلك ما برضى زوجي يسوق 4 ساعات وبنفس اليوم يرجع نفس المسافة بخاف عليه من التعب والطريق وبعد يومين نفس الموال وبرتاح ٤ ايام وبرجع لنفس الموال ابدئي اقلمي نفسك كل شهر وبعدها طوليها لشهرين وصدقيني مشكلة حب التملك الي عند زوجك بتخف
انت امام مشكلتين مو مشكلة وحدة
افصلي بينهم لانك بتقولي زوجك دائما كان يغار من اخوتك معناته عالجي هذه المشكلة وتكلمي معه وخذي موقف بدون تصعيده للطلاق .
ومن جهة اخرى انت امام مشكلة مع نفسك انت بحاجة تجلسي مع نفسك وتراجعيها
مهما خرجتوا ومهما جلستوا خلال الاسبوع ما هو نفس الشيء
انت قاعدة بتضيعي ايام كثيرة الاحرى تعيشوها كزوجين مع اطفالكم من خروج ونزهات وواجبات اجتماعية واستماع ببيتكم باسترخاء مع بعض(زوجك وصلك رسالة لما قال لاخوك.خليها تحلل احار البيت ) هو مستثقل روحتك لكن قاعد بوفي بوعده الك لانه رجل وعند كلمته ما شاء الله عليه، والمفروض ييجي منك القرار مو على شان غيرته ،لا انما على شان كثير ومبالغ بيها روحاتك لاهلك ،ومرهقة لزوجك وخطر عليه السفر الله يسلمكم .
ونهاية الاسبوع الي الواحد خلالها بكون مسترخي من اعباء العمل بحب يقضيها مع احب الناس لقلبه وانت اخترتي اهلك ولو ما رحتي لاهلك ما كان هو راح وقضى اليومين مع اهله .
راجعي نفسك وصححي قناعاتك بدءا بعدم اخذك بعين الاعتبار تعب زوجك ساعات وساعات على مقود السيارة وانت شايفتيها مسافة قليلة او مو كثيرة و نهاية باعتبار سويعات بين شفتين عمل كافية للتواصل مع زوجك ولممارىسة حياة زوجية كاملة بجميع مفاهيمها .