انا المفروض استغليت موقف امس
وطلبت لزوجي يحظر رقمها من جواله
بعز ماكنت زعلانه من تهجمها علي
وهو يواسيني ويهديني (قبل يطنقر)

لكن انا اليوم بقولها له كاش
الرد المتوقع: ما اقدر انا كفيلها
او: لاسمح الله صار شي لهم وكلمتني

هنا خلاص
بعرف اكثر انها راكبه على راسه
وكل اللي راح كوم واللي جاي كوم
دامه مدخل نفسه بسواليف نسوان
وفاتح اذنه لقصص الشغاله
فما انلام لما قلت له خروف
لان حركاته مو حركات رجال

يتمسك ببنت شوارع
ويهد بيته ويشتت اطفاله


لان اللي فهمته من كلامهم امس
انها تكلمه تشتكي من الام والاخت
وزوجي يسمع فضفضتها وبكبكتها
ويروح يعصب عليهم
هالامور كانت تصير من وراي!!
قالتها خالتي وهي تقول انو تحرها بهالحركات
وتقول لي انها منافقه
تعطيها وجه وتعطي زوجي وجه ثاني
تحسسهم انها مبسوطه معهم
وتكلم زوجي تتشكى وانها مظلومه ومسكينه
وهو يعصب ويقول لا تضغطوها


كل هاللي سمعته كووووم
وتميلحها معه كووووم
وسبها امس لي كووووم


يا ناس بموت من القهر