السلام عليكم
بدأت بتطبيق بعض الاستراتيجيات
لكن عندي اشكال
زوجي شكاااك سواء من الناحيه الاخلاقيه او الناحية الفكريه

بصراحه انا متنكده معه 💔
يعني كل رأي اقوله يسفهه!!
يقول الراي لي انااا انتي ماتفهمين انا بس اللي افهم !!
انا طبعا مااسكت واناقشه وتبدا المشاكل
واحيانا اطنشه
ابي اسولف معه مثل اي ثنين بالدنياا
مايتجاوب او يرد بكلمه كلمتين
مثلاً اذا تكلمت او سولفت او وريته معلومه جديده نتناقش فيها او اخترت فلم للسهره يصد ويسفه خياراتي ومايجاريني !
يحسسني اني سفيهه او طفله او ساذجه

انا بكل مره اسحب نفسي منه واتعامل مع غيره عشان اعزز ثقتي بنفسي وما يأثر علي

انا بعمري ماشفت مثله

المشكله ان آراءي اللي يسفهها اشوفه يمشي عليها احيانا ؟!
يحاول دايما يقلل من شأني !
يحاول يهزني
يسعى دايما يصيد خطأ علي!
اذا اقترحت اقتراح ومشى عليه ونجح يسكت واذا فشل يلومني بشكل مبالغ ويحفظها علي دايما يقول رايك مو سديد انتي ماتفهمبن ولا تعرفين شي
عنده الناس (عالم+ وجاهل )مافيه شي بالنص
العالم يعتبره معصوم يمشي وراه وهو مغمض
والاخر جاهل اسحب عليه كل آراءه خطأ
دايما يدور علي الزله ويحاسبني ويقول اعترفي انك اخطأتي اعترفي ليش ماتعترفين؟
اطفال ف الروضه حنا ؟؟!
اشياء تافهه مثلا نسيت بطاريه متنقله ف المنزل وحنا طالعين مشوار ساعتين فقط؟
يحب يشتتني ويتوهني ويضيعني
ويلومني كثييييير وينتقدني
طبعه صعععععب نفسيتي تعبت منه
ليش هالتصرفات؟
هل هذه غيره ؟! ام عقدة نقص ام ماذا ؟
ام تفريغ شحنات سالبه من الماضي؟
بكل علاقه سواء اخوه او صداقه او زواج
كل طرف ياخذ ويعطي يعزز لك نقصك اذا وجد ويبرز جوانبك الحلوه ويسندك ف ضعفك وانت كذلك

لكن مع زوجي العكس يسعى سعيا حثيثا لايجاد عيوبي واخطاءي!!
يدورها بملقط ويضخمها !
يستفزونك ليخرجوا اسوأ مافيك ثم يقولوا هذا انت !!

احتاج ان افهم هذه النقطه ف شخصيته
وايضا كيف اتعامل معها

__________________