سبق و نقلت تجربتي لإحدى البنات هني..
زوجي يشبه زوجج بس زوجي نسخة مطورة 😅
ثقيل و رزين ، كلامه كان قليل
المزح والكلام الحلو موجود بس نادر
ويفرض قراراته
وكلمته ما تصير ثنتين
بس ما عاتبته أبداً أبداً أبداً

بدئت اقول له سوالف لطيفة
إذا مسك التيلفون اتصل فيه حتى لو جنبي واقول له فيه وحدة جنبك تبي تتكلم معاك
وتراها مو اسرائيلية عشان تقاطعها فيضحك
صرت اقول نكت وما يضحك ( يعاندني مع ان اشوف ابتسامته على وجهه )
بس آنه اقوم واسحب خدوده واقول له تضحك غصب عنك
ألطف الجو اسوي فيه مقالب .. ف ردة فعل اي انسان تسوين فيه مقلب بيردها لج
فشوي شوي قام يسوي فيني مقالب
قمت افتح مواضيع ادري انها تهمه .. وعرفت اهتماماته ولاحظت ان تشبه اهتماماتي
شوي شوي قمنا نقرأ كتب مع بعض
قمت اقول كلام يعني فيه لطف
مثلاً تصدق فلان فيه وحدة صغيرة وحلوة اول حرف من اسمها زينب وتحبك وايددد
قام يتفاعل تلقائي..
صار يمزح تلقائي
قمت اسوي الاشياء اللي ابيه يسويها
صح زوجي مو وايد جاف واستجابته سريعة ما شاء الله
بس بعد فيه رجال مو متعودين على هالاشياء
وقد يعتقدون ان تقلل من هيبتهم أو قيمتهم
يحتاجون مبادارت منا
تلطيف جو
بعيداً شوي عن جو الجنس
اسأليه عن رأيه في ملابسج مثلا
قد يستهزء ويعتبر الأمر تافه
قوي نفسج واضحكي قولي له ادري خانك التعبير كنت تبي تقول ان كل شيء علي حلو
لا تستسلمين..
ااذا هاللطف والمعاملة الطيبة ما لقتها الزوجة مع زوجها بالله وين تلقاها!
حاولي لا تضعفين

__________________

حاجة الناس إليكم من نعم الله عليكم ، فـ لا تملوا النِعم ☁✨