ايوة قالت راعيني في الجهاز و أعطيكي فلوسه بعدين لما تخلصي بعثتك و اعرفها كذابة

و هي مرة كانت تبغى تبيع لي وحدة من بضاعاتها .. و تقنعني أشتريه و أعطتني أسوأ نوع و الي مكسر و معدوم و ضاعفت لي في السعر .. و خلاص قفلت الباب هذا

بس ابين انه هي ما تراعيني اصلا في ابسط شي .. عشان كذا قررت حتى لو تعطيني قيمة الجهاز و ضعف سعره .. ما راح أبيع لها و ابغاها تشيل عينها و تفكني

سلفتي ما عندها مكنسة كهرباء
مسكينة و لا عندها غسالة اتوماتيك

كله عشان حماتي اخدته من بيتهم و ولدها يسمع كلامها .. و ولدها حالته المادية ضعيفة

.
.

ايش المطلوب منهم .. سؤالك !؟

مو مطلوب منهم شي ..
مطلوب انا مني .. ( اني اتغير و اقنع نفسي اني أصير مثل زوجي في تعامله معاهم ) بس اخاف انا اتغير لا شعوريا و يصيبني احساس اللامبالاة الي عنده !؟؟

و مرات بداخلي انقهر و اقول ليتني أرد عليها و على بناتها و اواجههم بنفسهم و بولدهم

بس ارجع و اقول عيب و ما يصير و انا ما تربيت على كذا

انا اذا غلطوا علي قدامي .. أرد باحترام و ادب و رد يسكتهم و يحرجهم و زوجي عاجبه كذا

.
.

بنت خالة امي لما عرفت اني اسلم على يد حماتي .. خاصمتني و قالت لي بلاش عادات و هبل و ما تنزلي راسك لأحد و غلط انك تسلمي على يدها .. و ابغى تجيني الجرأة و القوة اني ما اسلم على يدها ( تقبيل اليد ) .. امي الله يرحمها كذا ربتني اقبل يد الحريم الكبار و اسلم على راس ابو زوجي لو غبت عنه فترة طويلة

بنت خالة امي تقول لي غلط
و انا الصراحة نفسي انسدت اني اسلم على يد امه وأحس انها ما تستاهل