رد: اهل زوجي و نفسي .. مهرة/ ل
اختي نورة
الله يحيك في المنتدى
مواضيعي قديمة و ما احاول افتكرها او احد يفكرني بها اعذريني و حتى ناسية عناوينها .. لاني بالقوة - أتناسى - و احاول التسامح .. و علاج حياتي كلها ..بعد توفيق الله
اني اروح و اكمل دراستي و اكمل طريقي في تأسيس ابنائي و تربيتهم حتى يوقفوا على رجولهم .. بعدها راح ابدا افكر في راحة نفسي حتى لو كانت على حساب انفصالي عن والدهم ( لو و لو فقط .. مالقيت التغيير الجذري فيه بعد فترة دراستي او لقيت منه تهاون و استهتار لاسمح الله ) .. حتى الان و الحمدلله شايفة تغيير إيجابي فيه و للافضل الحمدلله و لو استمر في ذلك .. راح اشيله فوق راسي اكيد ..
بخصوص أهله .. ( لهم حياتهم و لي حياتي )
يبغوا الناس ما يقصروا معاهم و هما مقصرين في حقوق الآخرين
يبغوا الخير لهم و الشر لغيرهم
أنانيين و انا أيضا اكون انانية معاهم
المهم هما فقط .. و انا كمان صار اهم شي نفسي و اولادي فقط
الحمدلله الغربة باذن الله راح تبعدني تماما عنهم و انا حاولت استغل فترة تواجدي هنا في انهم يكسبوني - بنت لهم - لكن قالت لي اختهم الكبيرة مرة و بصراحة تامة .. أنسي انه مرت الاخ تصير مثل بنتنا .. مرت الابن تجلس مرت الابن
و هما عيلة نظرتهم لمرت الابن انها لازم تنزل رأسها لهم عشانهم تكرموا عليها و زوجوها ابنهم و أعطوها هذا الشرف و الوسام ..
مدري لو كان زوجي ناجح في حياته و عنده و عنده و عنده .. ايش كانوا عملوا فيا ..
المهم انا للاسف ..
ما راح اقدر ( أتقبلهم ) و هذا قراري الأخير
و قررت وضع الحواجز و الحدود و يشوفوا الوجه الجديد لي
مو هما يقولوا اني بعد ما اخد شهادتي راح ارفس ؟
انا اوريهم من الان اني راح اتغير من قبل لا اخد شهادة و لا منصب و لاشئ ..