شوفي حبيبتي راح اسهل عليج وجهة نظرنا و بعطيج السيناريو..

- ألو فلان ، آنه فلانة زوجة أخوك و طفشت من حركات مرتك مع ريلي
امسكها عنا ولا بينهدم بيتي لأني بتطلق وباروح بيت هلي

كدا كويس ؟

حماج سكر من عندج ، و راح لمرته إذا هو مع الهوا طاير بيكلمها بهداوه..
وإذا هو شديد إحتمال يعطيها كف خفيف لطيف أو إن بتوصل بينهم للشيطان الرجيم
وفي اسوأ الاحوال دام وضعهم مو مستقر يمكن يطلقها

تمام ؟ وبعدين ..

بتقوم مرت حماج بتتصل في ريلج وهني فيه إحتمالات..
الأول : بتسوي وصلة ردح .. وامسك مرتك عني وتبي تخرب بيتي وتلفق علي كلام
الثاني : بتلعب دور أنا المسيكينة ..
الثالث : بتكلم أهل ريلج و بتسوي الفضيحة بجلاجل ..
الرابع : بتكيدج و تغيضج أكثر
الخامس : لو احتمال زوجها طلقها من ورا كلامج .. يمكن تطبق عليج المثل اللي يقول خاويني واخاويج وآخذ ريلج واخليج

اوكي ؟

بعدين بيجي الطيب ريلج..
وهني فيه عدة إحتمالات :

الأول : بيتهاوش معاج عالخفيف وبيعطيج كلام مثل صغرتيني جدام اخوي و مرته ووو إلى آخره.
الثاني : بيعاندج وبيقول لج چذي يعني ؟ هييين باطلعها مو فره بالسيارة لا إحتمال اتأجر هيلوكبتر
الثالث : ينتهي بج الموضوع في بيت الوالد و عقب جم يوم بتتصلين فيه تعال اخذني وما راح اكررها واكبر المواضيع مرة ثانية...


مدى إمكانية حدوث أحد أو أغلبية أو كل الإحتمالات التي ذُكرت أعلاه ؟
99٪‏

مدى إمكانية تقويم الوضع من خلال كلامج مع زوجها ؟
1٪‏

حالياً انتي صاحبة حق
لا تسوين تصرف يخلي الحق عليج مو لج

__________________

حاجة الناس إليكم من نعم الله عليكم ، فـ لا تملوا النِعم ☁✨