شكرا علي التفاعل مع مشكلتي اسعد فتاة.انا تكلمت مع زوجي كذا مره و فهمتو انو مينفعش اروح كل يوم او حتي يوم بعد يوم كتير اوي.قلتلو نروح مره في الاسبوع كفايه جدا زعل و كل مره بيكلمو ابوه يعزمو علي الغداء مثلا وبيوديني معاه بتعلة انو ميقدرشي اروح لوحدو حيفضلو اقولولو هي ليه مجاتشي معاك و حيفضل في انحراج مش عارف ارد و يفضلو اقولولو هي ليه مش بتحبنا و ليه بتبعد نفسها عننا و احنا عملنلها ايه.وده اللي سببلي مشاكل علشان ه. مش عاوز يفهمني و كل مره افضل اقولو علي الحاجات الوحشه اللي صدرت منهم و بردو مش عاوز يفهمني.وعلي فكره انهم اشوفوني دايما ده مش حب في صدقيني.اصل اللي بيحب حد ميزعلوش.احكي موقف من المواقف اللي حصلت و انا حامل كنت عندهم بحكي مع زوجي و كنت تعبانه جدا قلتلو ايه رايك اسافر و اولد عند اهلي و انت تجي علي الولاده علشان هنا مفيش حد حيرعاني انت طول اليوم في الشغل و انا بفضل وحدي امو قالت ايه تخيلي ديه ناوياهلك و عاوزه تولد هناك و تاخذ منك الولد و مش حتشوفو خالص.تعصبت اوي من كلامها و كتمت في نفسي و سكت و هو مردش عليها خالص لما رحت قلتلو هي مامتك بتحكي بالاسلوب ده ليه بيقولي بتهزر.علي فكره ده مش الموقف الوحيد ياما مواقف تانيه.دلوءتي بعد ما ولدت نفسهم يحشروا نفسهم في اكل الولد اكليه كده وازاي مياكلش كده.ردا علي سؤالك بالنسبه لبناتها هي عندها بنت واحده عايشه بره بتجي مره في السنه بس و عملت معايا موقف وحش جدا لما جت السنه اللي فاتت.انا كنت حامل في الشهر التامن و هي شرفت بحضورها.رحنا يومين انا و زوجي شفناها عند مامتها اصل هي لما بتجي بتنزل في بيت ابوها.بعد كده فضلت في البيت ارتاح ثلاثة ايام كنت مش قادره امشي رجليا منتفخه جدا و ضهري واجعني اوي.المهم مين المفروض يسال علي التاني هي.كلمتني في التلفون و بتقولي انت فين متساليش و متتكلميش و مجيتيش و لا عزمتيني عندك ده بيت اخويا مجتلوش غير مره بس و انا لسه جايه من السفر و المفروض انتي تعزميني ده بيت اخويا اجيلو امتي انا عاوزه و لو كنت ساكنه هنا كنتي حتشوفيني كل شويه عندك.قلتلها انتي المفروض تجي من غير عزومه و انا تعبانه مش قادره انزل كل يوم.وبتكلمني بطريقه هجوميه زي مكون خذتلها فلوس او سرقت منها حاجه يعني طريقتها في الكلام كانت مش لبقة خالص و بترفع صوتها.قفلت و فضلت اعيط و زوجي فهم الموضوع مني و كلمها و قلها انا اللي مقدرتش اجي هي ملهاش ذنب هي تعبانه من الحمل.المهم بعد الموقف ده كملت حطتها هي و امها في نفس المجموعه و ابوها كمان علشان هو كمان بيتصرف معايا باسلوب مش كويش و كذا مره بيلقح علي في الكلام عيني عينك و انا بكون قاعده.يعني بصراحه الواحد مش لاقيها لا من الزوج و لا منهم هما.تعبت و زهقت و نفسي بجد الاقي حل سريع لكل ده