اقتباس:
المشاركة الأصلية كتبت بواسطة غرناطة
كم عمرك؟ تصرفاتك تدل إنك صغيره مره
عالعموم اركدي ولا تنقصين قدرك
كيف علاقتكم عموما من جبتي البنت؟ وبعد الحمل الثاني؟
والعلاقه الحميمه؟
يبدو إن زوجك يفتقدك والاهتمام كله للبنت والبيت
وأنت مره مبالغه بوصفك لحب بنتك . كل الأمهات يحبون ضناهم وكلهم تعبوا بالحمل والولاده
فيه حريم انتظروا 15 و 20 سنه وجابوا ولا سووا اللي سويتيه
مو لازم تبينين غلاتها وإنها خط أحمر ومدري إيش وانجن وأنهبل لأن العاقل يعرف غلا الضنا من دون شرح
اثقلي انت قاعده توصلين له إني جالسه عشان بنتي وأنت بالطقاق
والغريب وهو يوديك لأهلك بس تكررين عليه إنه دام بنتك معك وش تبي فيني ومالك دخل تبينه يقول إلا أبيك وأحبك و و و وأنت ماعطيتيه هالكلام
كلكم محتاجين هالمشاعر والتقارب
ولو اهتمامك بالبيت والبنت مأثر على العلاقه الحميمه ابشري بمزيد من المشاكل
الزوج مهما تفلسف وقال نظفي ورتبي يبي منك البشاشه والتودد
ولا قد سمعنا عن زوج زوجته بشوشه ومريحته لكنها كسلانه تزوج عليها
لكن يااااكثرها النماذج اللي ذابحين نفسهم بشغل البيت وتزوج عليهم الزوج
عاد مو تروحين تقولين له هالمعلومه وتخربين على نفسك
احفظيها بس وإبدأي خففي على نفسك وإذا دخل البيت روحي له وأنت تضحكين دلعيه وتوددي له وفضفضي وخليه يفضفض
تدلعوا توكم صغار
وإذا نقد على شي من شغل البيت قولي ابشر بكره اليوم تعباااانه
شوي شوي بيتعود وبيحبثقربك ووجودك ونفسيتك الحلوه
اليوم إذا جاء ينام روحي عنده وضميه بدون كلام وابكي لو تقدرين وقولي لا تنام وأنت زعلان ما أقوى على زعلك والله تعبت والأيام صاير مالها طعم
لو قالك اطلعي وإلا فشلك حطي عينك بعينه قولي أهون عليك؟
ماراح اطلع لما تقول راضي
ويارب تنحل هالمشكله وعاد بكره أو بعده متى ماصفى الجو وصار رايق اشكي له الضغط والوضع واطلبيه يصلح نشافه أهله
ربنا يصلح شآنكم
|
والله ماني مبالغه ولا شي .. وهالكلمه دايم اقولها لأي احد يقارنني بأحد .. انا ماني كل الامهات .. اناا أنا ..( واعوذ بالله من كلمة انا ) فيه حريم يتركون 2 و 4 وراهم وعادي .. وانا ممكن لو كاان في سبب كان ممكن اانا اللي ارميها عليها واروح او ما امنعه ياخذها .. بس انا ماتحملت اهانته لي ..
الشي الثاني علاقتنا الحميمه تماام التمام ماني مقصره كل ماطلبني ما ارفض حتى لو تعبانه ابين له اني انا ابي وعادي .. ومرات انا ابادر .. مرات اكون تعبانه من الحمل ويطلبني مرتين باليوم ما ارفض مرات يوميا . لكن غالبا تكون كل يومين والثالث يعني على حسب وماني مقصره الحمدلله ..
بعد الحمل الثاني نفسيتي تدهورت لان استغفرالله ماني مستعده لطفل ثاني ولسا تجربة الولادة القاسية ماراحت من بالي لسا اشوفها كابوس ومن قبل احمل للمره الثانيه وانا خايفه من الولادة لاني جرررربت الوجع .. والحين كل ما اقرب لها كل ماتتعب نفسيتي اكثر ...
مسسسسستحيل ابادر بالمصالحه مستحيل مستحيل .. لو كنت غلطانه ممكن بس ماغلطت ويكفيني الاهانات اللي جتني .. اروح اهين نفسي بعد ليييييييييييييييه ...