اقتباس:
المشاركة الأصلية كتبت بواسطة غـادة..
ابحثي جديا عن شقة قريبة لبيت أهلك ،
وتكلمي معهم بكل حزم وصراحة انك مليتي من الضيق وطفشتي والشقة ايجار مجرد مايختارون البيت بتتركين شقتك .
واذا شافوا حماسك وانك جازمة ومنهية وضعك بيتحركون ويدورون لهم ع فيلا جديدة او حتى يتفاوضون مع اخوك .
فكري فيها شقة كاملة لك لوحدك ! مطبخ لك وتحطين لك كورنر كوفي والصالة تحطين فيها الكنب اللي يعجبك وتشترين الشاشه اللي تعجبك ..
ويصير لك غرفة نوم وغرفة ملابس .
هو الواحد الى متى مضيق ع نفسه؟ عيشي والحياة حلوة
واهلك يزعلون شوي ومردهم يرضون
|
اختي الفاضلة الخروج بشقه مستقله للمطلقه مع أطفالها صعبه بمجتمعنا ومو الكل يتقبلها
عندنا تنحبس بغرفه وحده هي وعيالها ويتأففون من وجودهم ويضايقونهم
وفوق هذا ما يسمح أنها تطلع من بيتهم لبيت ثاني حتى ولو كان بينهم بس شارع (وإلا الناس بتنقد عليهم)
فما بالك بالمطلقه بدون أطفال
...................
صعب بمجتعنا ان المرأه تستقل كليا عن أهلها الا بزواجها
حتى ولو مسكت أعلى المناصب بتضل تسكن بنفس غرفتها ببيت أهلها ويمكن بعد تشارك فيها خواتها الصغار
للأسف الزواج عندنا زي الترقيه الاجتماعيه اذا ما حصلتي عليها بتضلين بنفس مكانك ببيت أهلك حتى ولو وصلتي الخمسين وصرتي وزيره