السلام عليكم
حياكم الله جميعا
فكرة رائعة اني اقولكم وش صار معي بكل صراحة. اللي صار اني تناقشت معها وفتحت الموضوع معها بكل حزم ولكن في قمة الذوق والتلطف والضحك واخذ الخاطر والكلمة الطيبة. لكني لاحظت انها زادت وبدأت تتجاوز في الكلام. خرجت ن البيت وكملت حديثها ع التلفون الين فقعت راسي فقع بالعناد واللف والدوران ...عموما مع الكلام وصلت ورجعت تلف وتدور حول الماضي فوقفتها وقلت لها (مالك دخل ابدا بزوجتي الاولى الله يستر علينا وعليها ) وعيالي خط احمر لحمي ودمي ومالك عليهم طريق ولا تقدرين تقطعيني منهم ابدا . بعدها وصل الامر الى انها تدعي ان الله يفنيني انا وعيالي فقلت لها طيب " العلم ما سترينه ان شاءالله " وقفلت السماعه.
رجعت البيت الساعة 1 تقريبا بالليل لقيتها نايمة . صحيتها وبصراحة كنت معصب شديتها بيدها وقلت لها يالله ع المطبخ ..ليش مبخ وصخ والاواني حقت اليوم كله ما اتغسلت ؟ وانا وين عشاي وانا طول اليوم برا البيت اشتغل واكد ؟ مو انتي تتكلمين عن الحقوق يالله وين حقي؟
المهم اجبرتها اجبار ع المطبخ وقلت لها انتي قليلة حياء ومافيك تقدير كيف تدعين على اطفال بريئين بالموت والفناء وانا معهم؟ ليش الحق الدفين ليه ؟ وبعدها بصراحة مسكتها مع اذنها وهددتها وانا اصرخ فيها زي المجنون انها ما عاد تكرر هذ الكلام .
عموما قامت تبكي وتنوح وتهدد انها تتصل على ابوها اللي هو عمي ..وهو اكثر انسان اعزه عموما اتصلت وبكت وقالت عني اللي قالت واتهمتني باني ضربتها كف على وجهها . ويعلم الله انه ماصار . لو انا ضربتها كف كان يمديها راحت المستشفى .
عموما عمي رجل عاقل وقالها خلاص ارجعي للبلد وبلاشي عمل وتدريب ..وقالي وهي تسمع عيالك من حقك ولكن من حقها عليك انك ماتضربها كف وانك تسكنها سكن خاص بها . فقلت له حاضر واقسمت له اني ماضربتها ابدا . عموما فضحتني عند عمي وقالت كلام وتحملتها . سكرت السماعة من هنا بعد ما ازعجنا المسكين . وقامت تتكلم وانها تبلغ الشرطة فقلت لها روحي بلغي . فسكتت وبعدها قامت وقالت لي انت اصلا مانت رجال وانت ....الخ ولما نطيت من الكرسي مثل البركان هربت الى الغرفة وقفلت الباب ...انا بصراحة شفت الدنيا ظلام فقلت لها يافلانة انتي طالق . نعم ياخوان اعطيتها طلقة وحدة لانه ان الاوان اني اوصلها الرسالة. عرفت انها انسانة عنيدة وماتحترم الرجال ابدا حتى ابوها كانت تنفخ عليه قدامي ع التلفون وانا اقاطعها وهو يسمعني واقولها تكلمي مع عمي باحترام والا اكسر الجوال ع راسك .
عموما انا الان راضي ومرتاح والله ولو ان البعض منكم قد يختلف معي ويقول انت انفعلت وهجت عليها . لكن والله من الكلام اللي سمعته ومن حقد وحسد شفته منها وقلة احترام وتقدير لي ولعمي.
والله المستعان انا الان بالبيت جالس طبيعي جدا وهي مكتومة وباين عليها الحقد ولكن واضح فيها الندم.