أخي الكريم ربي يصلح الحال
وبشوف انك اتسرعت بالطلاق لانو في حلول كتير قبل الطلاق
وخاصة الحزم بأمرين :
أولهن أولادك خط أحمر وخاصة بالدعاء عليهم جهرا ربي يحميهن ويطول بعمرهن
لأنو الدعاء عليهم نتيجة كره او غيرة وهالصفتين بتودي صاحبهن للهلاك وخاصة أنك ما مفضل أولادك على زوجتك لنقول في اسباب خلتها تغار منهن

مع الأخد بعين الاعتبار انك تتبع أسلوب مع زوجتك ما تخليها تحقد عالاولاد ولا تحس انهم مفروضين عليها
بل بالعكس فرجيها الصورة الصحيحة انها لازم تحبهن لانهم من صلبك ومحبتها الهن من محبتك
وانها مش ملزمة فيهن بس اقل شي ما تساهم ببعدك عنهم لان الدنيا دولاب والظلم ظلمات يوم القيامة
وكمان اذا اجوا لعندك تكرمهن كإكرام الضيف فما بالك اذا كان الضيف اولادك (مع انهم ببيت والدهن )
وتاني أمر الاحترام لانو اذا انفقد الاحترام بين الزوجين ما عاد في حياة زوجية مبنية على أسس متينة

وعدم التبلي وخاصة ذكرها لاوالدها انك ضربتها
يعني احتمال المرة التانية تخترع شي تاني
فهون اشرحلها انو هالطريقة بتخلي الثقة تنفقد ان اتبعها الزوج او الزوجة وبتساهم بهدم البيوت

اسأل الله ان يكتب لك كل الخير


احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه