يسعدلي مساك حبيبتي مبتعثة 🌷🌷🌷🌷

بعتذر عالتأخير
متل ما وعدتك نزل بعض الصور


هون اذا غرفتك عرضها خمسة متر بينفع تقسمي منها متر ونص بحائط خشب وتعملي منها غرفة ملابس متل اللي بالصورة
وهيك بيبقى باقي الغرفة للسرير والتسريحة والمكتب






والسرير اذا عرضه متر و٤٠ سم كتير منيح
انا سريري عاملته متر و٤٠ لاكسب مساحة
وهيدي صورة لسريري لتشوفي انو كتير حجمه كافي الك



وكمان ممكن تجيبي شي شبيه لهيدي المراية وتحطيها باي زاوية بتعطي ديكور حلو بالغرفة



هون مثلا بتاخدي فكرة اذا بدك تعملي جلسة وبنفس الوقت بتعملي مكتبة للكتب ومكتب الك وبتحطي عليه الكومبيوتر
هيك بتكوني استغليتي جدار واحد من الغرفة للمكتبة والمكتب والجلسة

ففيكي تعملي جهة بس مكتبة مخصصة للكتب وبالوسط الجلسة والجهة التانية مكتب
وبالجلسة بتستغلي تحتها صناديق للتخزين






مثلا هون الصورة لغرفة بنت صغيرة فينا ناخد منها فكرة بحيث نعمل الجلسة بالوسط وتكون اقل عرض لانو هون عاملينها جلسة وسرير بنفس الوقت
وفيكي تستغلي الرفوف للكتب من الجهتين
وتعملي جانب خزانة تخزني فيها اغراضك والقسم التاني بدل الخزانة تعملي مكتب وفوقه رفوف او خزانة للسقف
وطبعا انت بتعطي مهندسة الديكور الفكرة والصورة وبتطلبي شو تغيري وشو تضيفي ونوع الخشب ولونه وموديله
وهيي بتعملك صورة عنها ببرنامج مخصص عالكومبيوتر بتعطيكي نموذج كيف رح تطلع الغرفة وممكن تعطيكي كذا نموذج وموديل لتختاري منهن





هون ممكن تعملي صندوق بداخل السرير تستغلي توضعي كل الاغراض والملفات اللي ما بتحتاجيهن





هيدا السرير عرضه تقريبا متر و٤٠ لانو اجمالا سرير غرفة النوم بيجي متر و٨٠
فبشوف متر و٨٠ كتير كبير وما الو داعي بياخد حجم عالفاضي والمقصد بالعرض لانو الطول كل الأسرة نفس الطول مترين





هيدول صور اذا بدك تكسبي مكان اكثر وتعملي السرير والخزانة مع بعض على شكل زاوية
فبتستغلي ٢ جدار من الغرفة
وبيقى اثنين ممكن تعملي بجدار تسريحة مع مكتبة وتاني جدار الجلسة وبتكون منفصلة بتحطي الكنب اللي بتحبيه
او تخلي جدار فارغ وتعملي جدار متل الصور اللي فوق الجلسة بين المكتب والمكتبة























هون صور لموديلات الخشب لانو مثلا الصور اللي فوق اذا انا بدي ساوي الي شي منهن ما بيعجبني هيك موديلات ولون الخشب كمان بحس الغرفة جامدة وما فيها حيوية وبتتعبلي نفسيتي

اما اذا كان لون الخشب هيك غامق وداخله فضي مع موديل مودرن بترتاح نفسيتي وبحب الغرفة
فشوفي انت اي نوع خشب بتحبي واي موديل وطبقي الفكرة اللي فوق على الموديل االي بتحبيه وعدلي بالديكور ان كان بالاضاءة او بالرفوف للتحف او بشكل خزائن
يعني خلي ذوقك يعبر عنك فاعملي شي انت بتحبيه وبترتاحيله
لانو اللي ممكن يعجبني ما يعجب غيري
فلكل شخص ذوق خاص فيه

















هون نموذج اذا بدك تحطي تلفزيون بالغرفة ممكن تحطيه بالوسط بالخزانة وقت تصمميها وهيك بتكون الجلسة بالجدار المواجه للخزانة وشاشة التلفزيون








ونصيحة مهما كانت الغرفة صغيرة استعيني بمهندسة ديكور ممكن تعطيكي حلول ترضيكي وتخليكي تحبي غرفتك وتحسيها المكان اللي بترتاحي فيه
وعقبال ما تبشرينا بالاخبار الحلوة
دعواتي ترافقك ⚘⚘⚘⚘

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه