عزيزتي غادة بما انو الانسان مش معصوم فعدم تكرار الخطأ مش مضمون
وخاصة الانسان العصبي
ممكن يبدا يعود نفسه يخلص من هالعادة ويطور من ذاته
بس بدها وقت مش من يوم وليلة
ممكن العصبي يعطي وعود ويكون صادق
بس وقت عصبيته ينسى حاله ويتفوه بكلام فوق ارادته
كرمال هيك الافضل تتناقشي معو بهالموضوع وانك بتحتويه بوقت عصبيته وبتعرفي انو مش بقصده
بس شددي انك ما بترضيها قدام اي مخلوق لا اختك ولا غيرها وهالشي مش منيح بحقه قبل ما يكون مش منيح بحقك

هيك بتكوني ضربتي عصفورين بحجر واحد
انك اظهرتي لزوجك مدى تفهمك واحتوائك الو وبنفس الوقت شجعتيه يتخلص من هالعادة ويحاول يحسن من طباعه وبنفس الوقت يعد للالف لاحترامك بوجود اشخاص تانين او ان كان لوحدكن

فخلوا بداية شهر رمضان بداية حلوة وقلوب صافية واحتواء لبعضكن الله يبلغكن صيامه وقيامه


دعواتي ترافقك

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه