لما كنت طفله كنت مرررررررا اخاف من سياره البلديه الي كانت تشيل القمامه اكرمكم الله ... مررا رعب لان كانو عاملين يركبوا ورا فكانت اشكالهم مرعبه بالنسبه ليا 😅😅

اممم طبعا انا بسم الله عليا كنت مؤدبه 🙈🙈
وانا اخر العنقود في عيلتنا واخواني الكبار متزوجين واولادهم قدي فعشت طفولتي بين اولاد لكن المهم اني انا اثرت عليهم واتحكم فيهم 😎😎

موقف من المواقف والي يجلطهم حاليا .. كان معايا لبان واولاد اخواني ثلاثه يطلبو مني لبان .. فقلت الي يبغى يجي يبوس يدي وراسي وانا امد لهم يدي بكل كبرياء ويجو حبايبي يسلمو 😎😎
عاد دحين الاولاد سارو رجال وكل مابغا احرجهم اقولهم تبغو لبان 🌚🌚
بس ترا الحركه دي اسويها حتى ببناتي وزوجي دحين 😂

كانت كلمتي الشهيره وياما تخاصمت عشانها .. اي احد يناديني اقول ( الي عاوزني يقيني يقيني انا مابروحش لحد ) وطبعا اليد عالخسر 😩😩

لما كبرت شويه وصلت لسادس ابتدائي .. كنت انا وولد اخويا اذا طفشنا نمسك التلفون ونتصل على ارقام عشوائيه ونلعب على الناس ..كانت لعبه ممتعه صراحه 🤗🤗

من المواقف الي انضربت فيها 😭😭 وقت النوم بعض الاحيان انام عند اخواني ..طبعا هما يتفرجوا افلام ويخلوني انام واغطي وجهي باللحاف عشان مااشوف شي ..طبعا انا قطعت اللحاف فتحتين صغار مررا .. واذا جاء وقت الفلم اسوي نفسي نايمه واشوف الفلم بالفتحتين الصغار ... والله تعب على عيونيي 😅 .. طبعا انكشفت لما كنت ازبط الفتحه عشان اشوف كويس باصباعي .. وتحقيق معايا من متى وانا اشوف معاهم 🌚🌚


كنت اموت بلعبه الحريم ومنى عيني العبها مع بنات مو اولاد 😭

ياااه خليتيني اشتاق لطفولتي ولاخواني 😭😭

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك