رد: التغيير ..لماذا نتزوج ، مه
اقتباس:
المشاركة الأصلية كتبت بواسطة مهره
طيب شو تتوقعين اللي بيصير لما تنفجرين؟!!
.
.
.
يا سمورة قلت لج لا تطولينها وهي قصيرة.
إلقاء اللوم عليج حفظ لماء وجهه .. لأن إذا مب إنتي اللي غلطانة فهذا معناه إنه هو الغلطان .. وزوجج ما يبغي يفشل نفسه جدامج .. ولا جدام أي حد ممكن يعرف باللي حصل.
وكل هالبربرة اللي يبربرها فوق راسج وجدام أهله هي تعزيز للكذبة اللي كذبها ولازم الكل يصدقها.
التصرف الصحيح هو: (حقك علي أنا آسفة) بكل هدوء .. ثم السكووووووووت.
رجع فتح الموضوع والتأنيب مرة ثانية؟ .. قولي: أنا آسفة .. ثم السكووووووووت.
إن شاء الله يأنب فيج أسبوع.
إنتي عارفة إنج ما غلطتي .. وعارفة إنج نبهتيه ينزل الكاس معاه وهو طالع من الغرفة .. وهو بعد عارف.
وانتو الاثنين عارفين إنها حركات.
يعني إنتي مب محتاجة تناقشينه وتثبتين من اللي غلط ومن اللي ما غلط .. ولا حتى له داعي تقولين المرة الياية بانتبه وأرفع أي شي ممكن يأذي اليهال.
.
.
.
ما يشوف شر ولدج وحمدلله على سلامته.
|
الشر مايجيك حبيبتي تسلمين .... انا هذا اللي مسويته ... والله اعتذرت له ... ولحد اليوم يلومني .... اليوم عالسفره غصب عني ضحكت وماقدرت أوقف ضحك ... تخيلي متجمعين كلنا يقول قدامهم ... وش شعورك لما تشوفين ولدك مايقدر يلعب ويركض بسببك ؟ من جده ذا؟ مو بصاحي والله ... غصب انفجرت ضحك ... وبنفس الوقت وربي اني راحمته ... واعتذرت له قلت له الجرح مو عميق كلها كم يوم يفكوا الغرز وبيرجع لشطانته ... يقول بالله ضميرك مايأنبك !!! مدري هو يستعبط او ان وده يقول هالكلام لنفسه او وده يقول للاشخاص اللي غلطوا وهو اللي تحمل اغلاطهم .... يامهره انا مستعده اتحمل اغلاطه واسكت ... واذا لامني اقوله اسفه واسكت ... بس ابيه يتغير .. شكله مابه أمل 😔 ... ربي يفرجها من عنده
يعطيكم اللف عافيه ... وجزاكم الله كل خير ... واعتذر اخذت من وقتكم ... مشكورين 🌹🌹🌹🌹🌹 ....
__________________
-
فأجبر خَاطري .. بفيّض نعَمك ❤ ....