المشاركة الأصلية كتبت بواسطة mimomea

حبيبتي اسعد فتاة لا تكبريها ولا تقهري بحالك
والله صار معي نفس الشي مع ابن عم بابا الله يرحمه برحمته الواسعة
كانوا يجوا يصيفوا عنا بالضيعة وكنا نلعب سوا ومن نحن وصغار كانوا يقولوا فلان لفلانة الاولاد والكبار وخاصة اهله
وما كنت اخد الموضوع جد وخاصة كان اكبر مني بشي خمس سنوات
ولعبنا مع بعض سنوات لوقت صرت بعمر ١٦ حكي معي بنفسه قلي نحن وصغار كانوا يقولوا فلان لفلانة شو رأيك نخلي هالشي جد
وانا دغري قلتله اني بعزه كتير وبعتبره متل أخي ولا مرة نظرت لشخصه غير هيك واتقبل هالشي وبعد سنة خطبت وهو بعد كم سنة اتزوج ورحت باركتله وقال لزوجته هيدي ميمو اللي كانوا يقولوا انها لي
وزوجته كتير طيوبة وصارت تضحك ولكن شاء الله واخد امانته بعمر الشباب رحمه الله

الخلاصة حبيبتي من هلئ بس يعلقوا ويلمحوا دغري جاوبي انو شرف الك بس بتعتبريه متل اخوك وبتتمني الله يرزقه بالزوجة اللي بتستحقه وقولي هالشي وانت واثقة من نفسك وعم تضحكي
هيك الكل بيعرف انو مشاعرك ما بتتخطى الاخوة وانك ما عم تفكري فيه ابدا وساعتها زياراتك لعمتك ما عاد بتعطيهن مجال يفكروا بشي تاني

لا تحرمي حالك من زيارة عمتك وبناتها اذا بترتاحي عندهن واقطعي عليهن الطريق وخليهن يسكروا هالباب واتصرفي بعفوية وابنسطي
دعواتي⚘⚘⚘⚘