اقتباس:
المشاركة الأصلية كتبت بواسطة Username111
الله يهديج اختي الا الدعاااء
ديري بالج
دايما ادعي بالخير
واذا عصبتي عليه تكلمي عبري بس لاتدعين !! اكيد هالشي بيزعله خاصة يوم سوى حادث بيحس انه دعوتج استجابت
يعني اذكر مره ريلي دعا علي كان شوي منفعل والله اني زعلت زعل لانه الدعوه غير
ف اتركي هذا الطبع
وبعدين ريلج وداكم السوق ودفع فلوس وشرى لج للعيد يمكن حاب يشوف اللي خذاه عليج
اخر شي تكسرين بخاطره وتلبسين اللي اخوج يابه
انتي تعرفين انه زوجج زعلان ومعارض ماكان لازم تصرين وتعاندين وزين انه ماخرب اللبس كامل وشق بسيط
يمكن واحد ثاني بيسوي شي اكبر
اختي المشكله بينكم ماتستاهل الطلاق
لكن انتي احترمي ريلج قدريه واصبري عليه
يمكن هو شوي عصبي ويحتاج منج تقدرين دعوه حلوه وحكمه
واكيد انصحج انج ماتطلعين من البيت
تمي في بيتج وتأسفي من زوجج
وخبريه ان اللي يابه اخوج راح تلبسينه ثاني يوم واللي شريتوه هو الاهم
وانج ماتقصدين شي قلبج صافي اتجاهه وتحبينه لكن للاسف زلة لسان وتعودتي على الدعاوي فهذه واوعديه انج تتركين هالطبع
|
ماعاندته وربي اني قلت له انت زوجي وبتفهمني بس اخوي اخاف يزعل قام زعل وشقه
لو قال لي لا البسي اللي جبته لك حاب اشوفه عليك كنت قلت له حاضر وامرك بس هو كبريت
ان شاء لله بترك هالطبع وانا هذا مو طبعي
الفجر جاني وشافني قال لي انتي بعدك هنا قلت له اسفه ووعد ماكررها قال تحملي اللي يجيكي سفر بالعيد مافي تمشيات طلعات مافي بس تروحين تزورين اهلك وترجعين ظلم وربي