السلام عليكم انا قديمه بالمنتدى انقطعت لظروف وكنت انزل مواضيع انه زوووجي كنه متزوجني مسيار مجرد وقت النوم فقط واغلب مواضيعي بهاالمنظور


والله ان لهذا المنتدى فضل بعد الله في امور كثيره تغيرت في نفسي فمنبع التغير من داخل الانسان بقناعته والقناعه تلك حصلتها منكم لاحرمني الله منكم ولامن ردودكم جميعا فوالله لهذا المنتدى شوق وللحديث معكم شووق وللكل شي في هذا المنتدى شوووووق ومهما عبرت لن اوفيكم حقوقكم

لن اطيل عليكم


انا متزوجه من تسع سنوات وعندي اطفال وانا وزوجي دايم ع سوء تفاهم وانا اتكلم وهو مايفتح فمه بكلمه ماكان انسان يتحدث يتحرك يشعر يبكي كلها بسسبب مايجلس معي دايم عند اهله وبسبب الفلوس المصروف والاهمال ،،
كان يعطيني مصروف من كثر ماحنيت عليه وفجاه قطع المصروف من ثلاث شهور وصار هو يجيب للبيت ع كيفه وناقصتنا انا وعياله اسياء كثيره ،،حتى الطبخ ماطبخ اللي انا ابغاه يجيب على كيفه ،،وماطبخ الا اسيا اساسيه فقط ،،وصلت فيه انه يعزم عماته خالاته اقاربه ببيتي ومايقول لي ومايخليني اعزم جاراتي او اقاربي ويقول انا اللي اعزم مو انتي ..ومين انتي عشان تعزمين واطبخي كذا كذا ويجيب ع كيفه هو والطبخ هذا اللي اطبخه لاهله يعني مو لي انا وياه ،،،

يعني وصلنا مرحله فضيييييعه جدا ،،احتقار ذل واهانه ومالك وجود وانو زي الخدامه وانو انتي ولاشي اصلا
ومع ذلك دايم اعتبر انه اذا طلبني الفراش اعتذار ،،لكن مجرد مايخلص يرجع اسوء من اول وانا مااتوب وماارده ويبقى يعاملني بسوء وتجاهل ومايسولف معي ولا شي ،،
صرت اقوله احس .............
انت لاوجود ولامصروف ولااخترام ولاشي وتاخذ اللي تبي من طيب نفس ورافع خشمك فوق هذا كله ،،،ومايبين في عينك شي؟؟؟

تعبت من الوضع كثير والرجل اتعبني عمره ماتكلم لي ولاقالي شي سواء طلعاته وكل شي يخصنا ،،وصلت مرحله اصارخ ومايرد علي ويوديني السوق ويرجعني مادخلته بس كذا يدخلني ويطلعني كل شي يقهر سواه فيني وصابره وقعدت اصارخ عليه اهلك واهلك وهم السبب ومتحكمين بحياتك ومالك شخصيه ومأكلينك من ..... تكرمون ،،والله انه غصب عني قلته من القهر لان فعلا اللي يعرفني بهالمنتدى كنت دايم اشكي التدخلات ونفس هالشكوى انه مايعلمني بشي ومايقول لي شي ولايجلس معي ولاطلعات ومقصر معي فوق ذلك ،،كنت اصارخ انت وانت واهلك محترمين كل اخوانك الا انت وفعلو بفلان واعطو علان و وو وانت ولاشي وانا صادقه ،،بس محد يبي الصدق والصراحه ،،كانت دت فعله انه صرخ واسكتي راح اضربك ضرب وانه انتهيتي من حياتي وندمان اني تزووجتك اصلا قالولي قوويه وماتقدر عليه وانا ماسمعت كلامهم
واخذني مسك خط فيني لاهلي نصف الطريق لحالنا من دون عيالي يحلف ماعاد لي رجعه للبيت وانه طاب خاطري منك وندمت اني تزوجتك والله ماتشوفين عيالك ،،،طبعا سكتت وماتكلمت ويوم شفت الوضع جد وقطع مسافه طويله قلتله تعوذ من الشيطان يارجل وحطيت يدي ع كتفه بالسياره تعوذ من الشيطان وابتسم وقال والله انك غاليه لكن خلاص نتعلق وبكره نتعود ع الفراق ،،وانتي على طول راح تتزوجين انتي الف رجال يتمناك وانا بتزوج واذا ماصلحت الحرمه لعيالي اطلقها واجيب ثانيه
قلت والله يافلان ماابي غيرك رجال،،كان يتبسم من كلامي ،، ويعيد والله انك ماتجلسين لتزوجين ع طول وانا اخليك مغريه اكثر العيال معاي ،،
انا اهديه واتعوذ من الشيطان وقتها مانزلت مني ذمعه وكنت قويه وواثقه ،،قلت اذا خلاص انطقها عسان ماعاد اناقشك ،،قال انطق ايش ..يصحك ويبتسم ،،قال والله انه خلاص ماعاد لك شوفه لعيالك ولارجعه لبيتك وانو والله انك غاليه ع القلب لكن زي ماتعلقت فيك انساك واتعود ع فراقك ،،،خلاص انا سكتت
ووقف عند محطه ورجع طريق مدينتنا وقال والله اني رجعتك عشان ماحرق قلبك على عيالك وسويت هالحركه عشان تعرفين ان الله حق،، قعدت ابكي ورجعنا وقعدت عشر ايام مابيني وبينه لاكلام ولا شي وطلبته اروح لاهلي كنت ناويه اروح لاهلي بلاعوده ،،لكن ليله العيد لاول مره بحياته جا وضمني وبكيت ومسكني واعتذر لي وقال والله احبك وماعيش بدونك وانتي الحياه وانتي اكسجين اللي اتنفسه
ولاتصدقين كلامي وانا معصب انا انفجرت فيك وانه ماتاخذين بكلامي وانا معصب وامر بضغوط وانا عارفه انه عنده فلوس ويقول اصبري علي وتتغير الامور وبكره بوديك لاهلك لكن انسي اني اعيش من دونك والله انتي عيوني اللي اشوفها ومهما صار مااستغني عنك حطي هالكلام حلق باذنك مهما صار ومتربعه بقلبي بنتك والباقي من قلبي لك محد في قلبي غيرك انتي وبنتك وكلام كثير ،،وقتها كنت ابكي وقلتله والله لوماتكلمت اني كننت ناويه اروح لاهلي بدون رجعه اسحب عليك لاوصلت لاهلي وبلوك ومن جوال امي وادا عندك شي تتواصل مع الوالد بس مابغيت اقولك عشان بس توديني لاهلي ،،المهم قلتله كيف انسى اللي صار اللي سويته فيني قال تنسيك الايام وكانت ليله اعتذار بحياتي ماعتذر الا هالمره لدرجه طول الليل يسلم ع راسي ،، يقول اعشق قلبك هذا مافيه احد قابلته مثل هالقلب بحياتي ،،،المهم عيدنا وسافرنا وكنت مرتاحه لاعتذاره وسفري لاهلي ،،،وعدت هالسالفه مشيتها وهي باقيه بقلبي انه ذلني واهانتي انه خليته يتعود من الشيطان ويرجعني بيتي لكنها مرت وانتهت السالفه وقفلنا ع الموضوع هذا

وانا حصلتو مراسل وحده بحسابات التواصل واعطيتها بلوك وسويت نفس حسابها وراسلته وفتحت الرسايل تفس رسايلها ،،وصار يراسلني وهو مايدري انه انا عباله هالبنت هو الاي راسلها ويقول احب زوجتي وتحبني وانا عارف اني غلط وحارمها وماني قد المسؤوليه وانا انصحه وواهو معجب فيني ومتعلق ومايدري انه انا ويقول عقلك وتفكيرك وكلامك ممتع وكلك حكمه وذكاء ودكتوره وعمري ماستمعت بكلام زي كلامك الحكيم وهو مايدري ان اللي تتكلم زوجته وصار يرسل صور من حياته بس وجهه ما ارسله وبدا يشك يقول انا شاك انك وحده اعرفها اوبنت عمي او خالي ارسلي يدك عشان ارتاح ارسلي صوتك وكذا مشت عليه قال اعرف يدها فيها كذا وهو يقصدني انا بهالصفه وقال توي ارتحت وقام يعلمني عن مشاكله عن زوجته وانه بس تصارخ وماقعددمعها اهرب ونتهاوش ع كل سي تافه واني احبها وصعب جدا الفراق معها ،،وانه مدري ليش انا غلط واحرمها صديقاتها والسوق والطلعات ولا يعني لا وماجلس معها وكتوم وعمري ماتكلمت لها ووكلام كثير وانا انصحه ووصل انه تعلق فيتي يبغى يقابلني ويفضفض لي ويبي يحجز لي طيران ورفضت انه حرام وماسوي الحرام وانصحه ،،،طبعا رفض يتكلم لي عن حياته الخاصه عن زوجته ويزعل الا زوجتي لاتجيبي طاريها بهالامور خصوصياتي ماحب احد يتدخل فيها ممكن اقولك مشاكلي بس هالامور لا ، انها عسل ومعي ومع اهلي ومدلعتني وهذي نهايه الدلع وانها ماعيش من دونها فراقها صعب مشكلتها وحده الصراخ ،وانها اتخانق معهاع اتفهالامور ،،،يعني من جهتي مشاكلي بسيطه مقابل مشاكلي انا معاه،،،وللان يبغى يقابلني ومايدري انه انا طبعا انا محتاره اكمل معاه او اسحب عليه وللان الموقف بقلبي ،،،ويوجعني قلبي لانه صادق يبي يقابل ويسافر لكن الفلوس لي انا لا ،،وهو مادرى انه انا ...
صار يقولي بالحساب انا بروح اخذ شور ،،ويمر من عندي بالخقيقه يدخل ياخذشور وادخل عليه انه لهالسبب انت كذاشغلك بدقيقه وحجمه يصغر ،،اهز ثقته في نفسه من ناحيه الامور الجنسيه ،، لانه شايف نفسه ماني عارفه ع ايش ،،مجرووووووووح قلبي واقوله والله انا انسانه عاديه لوتحدثت لزوجتك وجربت لوجدت بقلبها ماهو افضل مني واعظم ،،،ابغى نصايحكم وبدون تجريح فيه امور كثيره ماقلتها منها محرومه من الطلعات والاهل مره بالسنه ولاسوقزولاصديقات ولايجلس معاي ولايسولف معاي ومايهتم بصحتي لانو فيني مرض مزمن عادي مع اغلب الناس وماراجع الا عند اهلي هو لا يرفض مايراجع لي ولااعيالي ولايبيهم ولايبي مسؤوليه ولايجيب لهم شي الابطلعه الروح لو انه اكل وشرب،،شخصيته شمالي شرقي كنت احسبه جنوبي شرقي وطلع شمالي شرقي وللان شاكه بشخصيته ،،

انا مو مرتاحه بحياتي ابدا وهوك كذلك واعترف لي انه الغلط منه بالحساب اللي مايعرف انه انا ويقول ودي اتغير لكن واعطيه تصايح وماطبق منها ولاشي
واللي جرح قلبي اساله انه الزوج اذا زوجته سافرت واشتاق لها ومجرد مايخلص منها ماعاد يجلس معها ولا يحكيها وانتهى مجرد شي وبينهم صار وخلاص يمارس حياته ومع اهله وطلعاته ،،
كان رده لي ؛
صلى المصلي لامر كان يطلبه لما انقضى الامرلاصلى ولاصام

من غير انه وثق فيني بحساب من حسابات التواصل يصورلي الحسابات والفلوس والايداعات وقالي انه حجز دوله وبيسافر لحاله وبنات وشراب و و وحتى الحجز صوره لي والتدكره كمان ويقوا مجرد تمشيه ووناسه مالي انا ومال هالاشياء ،،امزح معك مااسويها ،،اقوله ونعما هي فعلتك انك تعرف من تصاحب بالسفر وتبعد من في قلبه زلل او ذرة خطر وقلة ايمان ،، يعني وثق فيني وتعلق وحبني كمان وانا والله حتى غزل ماتغزلت فيه كل محادثاتي معاه عن الحياه وتدبير المصروف والسفرات وتوجيهات وانه كل شي بيدي انا وعن امور كثيره عن الزواج والتفاهم بصفه عامه واناعند اهلي وكل نصايحي له يتفاعل معي ويعشق كلامي ويستمتع ويحلف انه مافضفض لاحد غيري بحياته من قبل حتى يتزوج وانه بيطبق كلامي وانه لو كل البنات زي تفكيرك محد تطلق وكان كل الناس عاشت بسعاده،، لكن تعليماتي له ماسوى منها ولاشي ،،يقول بحاول اتغير وماشفت شي تغير ،،،يقول اهلي ضغوطهم علي وانه محد راح ينفعني الا زوجتي ومصيري راح اجلس معاها واكون معاها ،،والله محد ينفعني غيرها،،بحاول اتغير واغير حياتي ،،

مشتته انا ومحتاره ومتوتره لهالعلاقه اللي مايعرف انه انا ،،
لاعرف اي طريق اسلك ومحتاجه توجيهات



اااااسسسسففففه اطلت واسهبت بالكلام وماداخلي اكثر ،،
عقولكم كبيره وبصيرتكم منيره ،،زادكم الله واثابكم ،،ماكتبت هالكلام الا وانا ابحث عن حل مابي اخرب بيتي واريد زوجي حتى لو خان ،،فهي مجرد نزوه بمرحله الاربعين من العممممر وسوف نتعدى هالمرحله

مااريده هو توجيهات منكم انه ماذا افعل واتصرف وهل استمر لاعرف ماوراء زوجي وهو لايعلم ان من تحادثه ومعجب بكلامهاهي زوجته ،،اعلم ان ذلك من التجسس ولكن هو من اوصلني لما انا عليه

الله يحرم يد كل من ترد او يرد يفيدني عن النار ويرزقهاة بلاعدد رزقا كالمطر يصب وحظا يكسر الصخر وتوفيقا وابوابا لاتسد
الله يسعدكم تجاوبوني ،،،

__________________
اللهم أني أسألك أن تدبرني وذريتي بأحسن التدابير اللهم لا نضام وأنت حسبنا ولانفتقر وانت ربنا فأصلح لنا شأننا كله ولاتكلنا إلى أنفسنا ً