المشاركة الأصلية كتبت بواسطة الوليد909

الحمدلله على كل حال
المشكله ليست بالوظيفة ولا بنمط حياتنا فنمط حياتنا طبيعي جداً كأي اسره سعودية
تزور اهلها يومين او 3 بالاسبوع / نتنزه ونستأجر استراحات وتجتمع مع اهلها ومع اهلي / نطلع للاسواق وتشتري اللي تبي مااقول لا الا اذا تخطينا الميزانيه / هدايا ما انساها من وقت للثاني / اهلها على عيني وراسي واذا زارونا مايطلعون الا متعشين / تطلع لصديقاتها كوفي وتزورهم ويزورونها واحياننا انا اوديها بنفسي
زوجتي ضحت بإستقرارنا كأسرة مقابل قناعاتها وفكرها سواء كانت قد تشبعت به بنفسها آسف اقصد طليقتي او نقل لها نقلاً لم يعد مهم
المهم اني لا اقبل ان تكون على ذمتي وهي بهذا الشكل والاسلوب انتظر عمها ليأتي للتفاهم معهم وتأخر وانا انتظر اكثر من نصف ساعه اتفقنا نلتقي عند بيتهم ويأتي للتحدث مع بنت اخوه وتأخر علي ولم يحضر اتصل لا يرد قلت ربما انه من الناس الي لايردون على الهاتف اثناء القياده لكن طال الوقت ولم يحضر ثم حضرت سيارة وتوقفت امام منزل اهلها وخرجت متحجبه وكاشفه لوجهها فانفعلت عليها ودار بيننا نقاش وجررتها الى داخل منزل اهلها واغلقت الباب وبدأنا بالشجار خرجت امها من داخل المنزل واخوها المراهق خرج من الملحق الخارجي ولم يستطع التحدث كيف سيتكلم وهو عاطل ويأخذ مصروفه من اخواته ولو زعلوا بيقطعوا عنه المصروف تكلمت معها بغضب وترد هي ايضاً بغضب وترفع صوتها احترمت امها بما فيه الكفايه وصبرت بما فيه الكفايه لم استطع فخيرتها اما تتركين عنك هذا الجنون وتعودين لبيتك او ننفصل قالت هذي حياتي الجديدة وعليك تتقبل شخصيتي وفكري ولا توأدني حية لأنك ستسأل يوم القيامه عن ذلك قلت لها والله لسوف يسألني ربي ولسوف يسألك ايضا ان كنت ترين خروجك هكذا بدون محرم مع رجل غريب صح او خطأ اذا خروجك كاشفه وجهك صح او خطأ واذا خروجك وزوجك مايدري وين رايحه صح او خطأ كنت اقول نزغه من الشيطان والله بيهديك لكن اذا مقتنعه بهالكلام وانك موؤوده ببيتي وكنت ظالمك بحقوقك قوليها الآن وسننفصل فقالتها انا غير مرتاحه بالعيش معاك وطلقتها والله واحنا واقفين في حوش المنزل قالت احسن اخيرا ارتحت خلاص شكرا
فقلت وانا خارج الله لا يوفقك وعساك تذوقين الخذلان اللي خذلتيني فيه وخذلتي عيالك يامربية الأجيال لكن يوجد غزو فكري لتدمير المرأه وانتي نايمه بالعسل لكنهم قالوها اذا اردت أن تدمر الأمم فبدأ بالأم اطفالي عندي تشوفينهم تزورينهم اجيبهم لك هذا مقبول تطلعين معاهم مستحيل اقبل واقسم بالله لو اسمع انك اخذتيهم تتمشون برا البيت لي تصرف ثاني والله وانتي بهالشكل ان تتمنين تشوفينهم وتتمنين تشمين ريحتهم ولاتحصلينهم لاتلوثين عقولهم الخصبه بمهازلك ردت بكلام لم اسمعه لأني كنت اهم بالخروج كأنها قالت عيالك بيطلعون همج عليك والله لايوفقك انت وجعلك تشوف اللي سويته فيني باختك ورحت للسياره دايخ جداً ضغطي وصل قمة رأسي 5 دقايق والله يا اخوان ما ازل بكلمه رجعت سيارة اخرى غير الأولى وطلعت وركبت معاه وراحت لا اشكك فيها ومتأكد أنه كريم او اوبر خدمة التاكسي لكن ابنجن انا دايخ مااقدر اوقف على رجليني ولا اسوق وهي طالعه واللي يقهرني اكثر بالليل تجيني سنابات باقي ماحظرتها ولا حذفتها حاولت امنع نفسي من اني افتحها ماقدرت مازالت تبي تقهرني الا قهرتني وخلصت كيك واغاني ورقص كأنها ماتطلقت قبل 3 ساعات ابجن ياعالم وش فيني انا معقول اني واهم اني رجل طيب وكويس ............ صراخ وضحك حريم أووووووووووووووه وهييييييييييييييييييي حظرتها وجلست افكر طول الليل للفجر وبعد الفجر نمت ماداومت انا الحمدلله خلاص عارف ان هالفترة بتكون صعبه علي وعلى عيالي ةلازم نتكيف والله يعينهم لاني شايل همهم اكثر من همي وادري انها تأثرت بالطلاق وتمثل انها قوية وانها الانسانه المتفتحه الصلبه اللي مايهزها ريح وادري انه بداخلها ركيكه جداً وبنفخه هواء تطيح لكنها نجحت بقهري وانا والله مااستاهل لكن العوض عند رب العالمين فترة بسيطه تتعافى الجروح ثم اشوف وضعي
شكرا لكم من كل قلبي كنت قد استنفذت كل الحلول فلجات لكم بعد الله قلت لعلي اجد حلا اعترف اني لم اكن جاداً بالبدايه في التعاطي مع المشكله وتوقعتها كأي مشكله بيني وبين زوجتي قبل فترة لم اشعر بهذا الخطر توقعت ستندثر وترجع ام عيالي كالعادة لكنها لم تكن مشكله عاديه واعترف اني لم انفذ بعض وصايا وحلول الاعضاء ان احاجها بالمنطق والشرع وخلافه لاني على بساطه اسلوبي ووضوحي لم تتقبل مني فلم اجد فائدة من الخوض ولم تتاح لنا الفرصه لنلتقي وجهاً لوجه وسبحان الله اسبوع وزياده الحقها اريد ان ان اقابلها وجها لوجه ثم القاها بالشارع
الحمدلله على كل حال ونسأل الله ان يهدينا لما هو الخير في ديننا ودنيانا وآخرتنا.
انتبهوا من التويتر وبرامج التواصل الاجتماعي خصوصا هالتويتر ماهو عصفور ازرق مفروض تتغير الصورة الى افعى زرقاء او حمراء افضل