الجواب بسيط اختي

لانه زوجها حرق قلبها وماتبغي تبقى معاه دقيقه وحده
وفضلت تعيش حياتها مع زوج آخر
بغض النظر كان متزوج ولا لاء
يعني اكيد لو تقدم لها واحد عزابي بتوافق عليه
بس السبب انه حست بغدر زوجها وعدم وفاءه لها ف قررت الخلع

بالنسبة لي بكل صدق وامانه
اذا زوجي تزوج علي
مستحيل اني اطلب الطلاق
صح اللي سواه شي يحرق القلب خاصة اذا بدون سبب
لكن هذا حلال ، اهم شي انه يعدل تماماً
وانا بصراحه اهم شي عندي عيالي ليش اخليهم ضحايا ويتشتتون بضحي وبصبر عشانهم خاصة اذا ابوهم يحبني ويحبهم ولا مقصر

ليش زوجته الثانيه تتهنى فيه ويافرحتها لو طلقني زوجي وهي صارت زوجته الوحيده

عسى الله ما اييب هذا اليوم
بس الحرمه الذكيه هي اللي تحافظ على بيتها وعيالها وزوجها
خاصة اذا زوجها ريال والنعم فيه ومايتعوض شحقه افرط فيه عشان حرمه دخلت حياته اخرب كل شي و اتنازل عن كل شي عشانها ! والله تخسي
شو يعني اذا تزوج هذا مب نهاية العالم
اهم شي الحرمه تشغل وقتها وماتخلي ريلها شغلها الشاغل
وهي شدراها اذا تطلقت راح تحصل زوج يحبها ويحب عيالها نفس طليقها
وشدراها اصلاً اذا راح تتزوج ولا لا


لكن اذا ريلها اصلا ظالمها ومقصر وياها ومايعطيها حقوقها
ولما تزوج الثانيه زاد في تقصيره

فهذا فراقه عيد واكيد الحرمه تتزوج واحد ثاني غيره ابرك لها