وايه ونسيت خبركن البارحة كان أجمل نهار وأسوء نهار بالنسبة الي
سيئ لاني لأول مرة بكره الغربة بهالشكل لاني ما كنت متواجدة مع دلوعة البيت وروح العيلة 👸👸👸👸
وجميل لانو دلوعة البيت أختي الصغيرة اتخرجت البارحة من الجامعة
🎓🎓🎓🎓🎓وأختصاصها مختبر وهلئ صار وقت تنطلق بحياتها المهنية وتتوظف
ربي يحميها وبوفقها بكل مراحل حياتها
والشخص اللي بدو ياها كان زميل الدراسة لمدة ست اعوام نزل على لبنان وحضر حفلة تخرجها لانو حاليا عم يدرس طب بالخارج
وأنا أختها اللي بعتبرها بنتي قبل أختي ما قدرت إنزل وكون معها 😓
😓😓😓
مرات الغربة بتسرق منا أجمل لحظات لأحبابنا بس الحمدلله من قبل ومن بعد لانهم بألف خير
والبارحة بس بعتولي الصور كتبتلها عالفيس بوك هودي الكلمات 😊
ملاحظة بطوطتي اسم دلعها 😄😄😄😄
( بطوطتي كنت بعمر ١٣ سنة وقت خلقتي كنتي بالنسبة الي متل اللعبة وقت اتزوجت كان أصعب شي عليي فراقك كنت ضل قول إنك بنتي قبل أختي وحبيتك أكتر من نفسي💖💖💖💖
وإجت هاللحظة وأنا بعيدة ما إتخايلت اني ما كون بحفلة تخرجك 🎓🎓🎓🎓
وقت وصلتني الصور الدمعة سبقتني والحسرة غصت بقلبي
وشو تمنيت كون معك
وشو تمنيت أغمرك
وشو تمنيت ضمك
وبدموع الفرح باركلك
لأول مرة بكره الغربة لأنها حرمتني من أجمل لحظة بحياتك
ألف ألف مبرووووك يا دلوعة البيت وروح العيلة 🎁🌷💖😘😚😙
